Кимё-технология факультети кимёвий технология

8. Меҳнатни ва атроф муҳитни муҳофаза қилиш
ФВДТ худудий қуйи тизимларининг вазифалари, уларни ташкил етиш, куч ва воситалари таркиби, фаолият кўрсатиш тартиби маҳаллий геофизик ва табиий, иқлим шароитларини, кучли хавфли объектларнинг мавжудлигини ҳисобга олиб белгиланади ҳамда ФВВ билан келишилган ҳолда Қорақалпоғистон Республикаси Вазирлар Кенгашининг Раиси, вилоятлар ва Тошкент шаҳар ҳокимлари томонидан тасдиқланади. ФВДТнинг функционал қуйи тизимлари вазирликлар, давлат қўмиталари, корпорациялар, концернлар, уюшмалар ва компания-ларда атроф муҳитни, кучли хавфли объектлар ҳолатини кузатиш ва назорат қилишни амалга ошириш, шунингдек уларга қараш объектларда ўзларнинг ишлаб чиқариш фаолияти билан боғлиқ фавқулодда вазиятларнинг олдини олиш ҳамда бартараф етиш учун ташкил етилади. ФВДТ раҳбар органларига аҳоли ва худудларни фавқулодда вазиятлардан муҳофаза қилиш масалаларини ҳал етиш ваколатига давлат бошқаруви, маҳаллий хокимият органлари ва объектлар маъмуриятидир, жумладан республика даражасида Ўзбекистон Республикаси фавқулодда вазиятлар вазирлиги, хавфли объектлар ҳолатини кузатишни назорат қилиш учун, вазирликлар, идоралар, маҳаллий миқёсида худудий ҳокимликлар, объектлар миқёсида корхоналарнинг маъмурияти мутасадди ҳисобланади. Республика даражасидаги ФВДТ бошқарув органларининг асосий вазифаси қуйидагилардан иборат:

• 
  табиий фавқулодда вазиятлар оқибатларини имкони борича пасайтирувчи чора-тадбирларни ишлаб чиқиш ва амалга оширишга раҳбарлик қилиш, ФВ шароитида халқ-хўжалик тармоқларининг барқарор фаолият кўрсатишларини таъминлаш;
  
• 
  аҳоли ва худудларни ФВ лардан муҳофаза қилиш соҳасида Республика мақсадли ва илмий-техник дастурларни ишлаб чиқишда қатнашиш;
  

• 
  республика марказлаштирилган ҳабар бериш тизимини яратиш ва уни доимий тайёр ҳолда сақлаш;
  

• 
  атроф-муҳит ҳамда кучли хавфли объектларнинг ҳолатини кузатиш ва назорат қилиш тизимини ташкил етиш, ФВларни башоратлаш;
  
• 
  бошқарув органлари, ФВДТ кучлари ва воситаларининг ФВларда ҳаракат қилишга тайёргарлигини таъминлаш;
  

• 
  авария-қутқарув ва бошқа кечиктириб бўлмайдиган ишларни, шу жумладан, евакуация ишларини ўтказишга оид тадбирларнинг бажарилишини таъминлаш, зарар кўрган аҳоли учун ҳаёт шароитини яратиш;
  
• 
  фавқулодда вазиятларни бартараф етиш учун Республика молиявий ва моддий ресурслар заҳирасини яратиш;
  

• 
  ФВлардан зарар кўрган аҳолини ижтимоий муҳофаза қилишга оид тадбирларни амлга оширишда қатнашиш;
  

• 
  фавқулодда вазиятларда идорага қарашли объектларнинг раҳбарлари таркиби, куч ва воситаларини, шунингдек ходимларини тайёрлашни мувофиқлаштириш ва бошқа омилларни бажариш.