Кичик гуруҳ (3-4 ёш)

Ухлаш гигиенаси. Айнан бир вақтда ухлашга ётиш, ухлаш олдидан ювиниш, алоҳида 
ўринда ухлаш. 
Шахсий гигиена. Овқатланишдан олдин, ҳожатхонага боргандан кейин ва бирор иш 
қилгандан сўнг қўлларни ювиш. Санчқи, қошиқдан бемалол фойдалана билиш. Тартибли 
овқат ейиш, сочиқдан фойдаланиш. Овқат пайтида қоматни тўғри тутиш. Фақат индивидуал 
(ўзининг) тароқдан фойдаланган ҳолда тараниб юришни билиш. Овқатдан кейин оғиз ва 
томоқни чайиш. Қаттиқ жисмларни тишламаслик. 

---

105 
Овқатланиш гигиенаси. Тўғри овқатланиш тартибига риоя қилиш, ётиш олдидан 
овқат емаслик. Ошхона жиҳозлари, сочиқдан тўғри фойдалана олиш, тартибли овқатланиш, 
овқат вақтида гавдани тўғри тутиш. Идиш-товоқни столдан йиғиштириб олиш ва ювиб 
қўйиш. 
Маданий – гигиеник кўникмаларни эгаллаш ва ўз-ўзига хизмат қилиш жараёни. 
Мустақил равишда ювиниш, қўлларнинг тозалигига риоя қилиш. Кичкинтойларга қандай 
қилиб юз – қўлларни тўғри ювишни кўрсатиб бериш. Тишларни тўғри тозалаб, тараниш, 
дастрўмолдан фойдаланиш. Овқатдан сўнг оғизни чайиш. 
Мустақилликни намоён қила билиш. Батартиблик, ҳамиша чиройли кўринишга эга 
бўлиш иштиёқи. Кийимларни тартибли равишда ечиб, уларни жойига осиб қўйиш. Ўнг ва 
чап оёқ пойафзалларини фарқлай билиш, уларни тўғри кийиш. Кўзгуга қараб 
кийимларидаги камчиликларни бартараф этиш, дастрўмолдан тўғри фойдалана олиш. 
Хонада тартиб ва озодаликни сақлаш, кийимларни тоза ва тартибли кийиш.
Тенгдошларининг кийимларидаги тартибсизликларга барҳам бериш. Озодалик ва тартибга 
одатланишни тарбиялаш. Шахсий буюмларини ювишни ва тугма қадашни билиш, ўйнаб 
бўлгандан сўнг ўйинчоқларни жойига олиб қўйиш, уларни эҳтиётлаш ва тоза сақлаш. 
Ўзига хос гигиена. Шамоллатилган хонада тоза ўрин – кўрпада ухлаш. Эрталаб 
бадантарбия машқларини бажариш, сув муолажалари билан мустақил шуғулланиш. 
Ичакларни ва қовуқни ўз вақтида бўшатиб, ҳожатхонадан батартиб равишда фойдаланиш. 
Бурунни тоза сақлаш. Қўл, оёқ ва бадан учун фойдаланиладиган сочиқларни фарқлаш. 
Тирноқларни тишламаслик, қалам ва бошқа буюмларни оғзига солмаслик. Бармоқлар, тил, 
сочларни сўрмаслик. Тоза дастрўмолчадан фойдаланиш.