Кичик гуруҳ (3-4 ёш)

Ҳайвонот дунёси. Куз-қиш даврида олмахон, қуён ва типратикан сингари ҳайвонлар 
ҳаёти ва табиий шароитлари (қаерда яшаши, қандай юриши, нималар билан озиқланиши, 
душманларидан қандай ҳимояланиши) ҳақидаги тасаввурларини шакллантириш 
Фасллар ўзгариши билан қуён, олмахон, типратикан каби ҳайвонлар ҳаёти (табиий 
шароитда улар қаерда яшайдилар, нималар билан озиқланадилар, душманлардан қандай 
қутуладилар) билан таништириш. Уй ҳайвонлари ва уларнинг болалари (ит, кучукчалар, 
мушук, мушукчалар), қушлар (чумчуқ, кабутар, мусича ва бошқалар), атроф муҳитда 
учрайдиган ҳашаротлар (чумоли, капалак, хон қизи, ниначи каби)ни фарқлашга ўргатиш. 
Уй ҳайвонларининг ҳаёти, инсонларнинг уларни парвариш қилишдаги меҳнатлари 
ҳақидаги тасаввурларини аниқлаш ва кенгайтириш. 
Уй ҳайвонлари ва уларнинг болалари ҳақидаги билимларини кенгайтириш. Болалар 
уларнинг тана қисмларини, юриш-туриш хусусиятларини ажрата билишни ва тўғри 
характерлашни, нима билан озиқланишини қандай юриши, қандай фойда келтиришини, 
одамлар улар тўғрисида қандай ғамхўрлик қилишлари ҳақида билимларини кенгайтириш. 
Болаларни уй ҳайвонлари ҳаёти ҳақидаги тасаввурларини бойитиш. Уларни уй 
ҳайвонлари ва паррандаларни парвариш қилишда катталарга яқиндан ёрдам беришга 
ўргатишни давом эттириш.
Ёввойи ҳайвонлар (қуён, олмахон, типратикан) ҳақидаги тасаввурни кенгайтириш, 
уларнинг баҳорги-ёзги мавсумдаги табиий шароитдаги ҳаёти (овқатланиш, туллаш, уя 
қуриш, болаларни ўстириш, болалари ҳақида ота-она ғамхўрлиги хусусиятлари) билан 
таништириш; ташқи қиёфаси, хатти-ҳаракатига кўра ёш ҳайвонларнинг катталаридан фарқ 
қилишини кўрсатиш. 
Кунлар илиши билан болалар диққатини қушлар кўпайиб, ҳашаротлар пайдо бўла 
бошлагани, кунлар совиши билан ҳашоратлар буткул кўринмай қолганига, муассаса 
ҳовлисидаги қушлар ҳам камайиб кетганига қаратиш. Совуқ қиш кунида қорни очиб овқат 
излаётган қушчага нақадар қийин эканлигини ҳис этишга ундаш. Болаларда қушларга 
ғамхўрлик қилиш ҳиссини тарбиялаш.
Қушларнинг нима билан озиқланиши, қишлоқ хўжалигига келтирадиган фойдаси 
ҳақида ҳам қисқача маълумот бериш. Қушларга ҳайрихохлик билан муносабатда бўлиш 
кераклигини тушунтириш.
Табиат бурчагида пиёз ўстириш, парвариш қилиш, ташқари совуқ бўлишига қарамай, 
хонада уларнинг ўсиш сабабини тушунтириш. 
Ўрмон ҳайвонлари уларнинг юриш-туриш хусусиятларини билишни ва тўғри 
характерлашни; яшаш шароитлари, нима билан озиқланишини қандай юриши, қандай фойда 
келтириши ҳақида тасаввур ҳосил қилиш. 
Уй ҳайвонлари ҳаёти, ёз вақтида одамлар уларни парвариш қилишдаги меҳнатлари 
(сигир, эчки, қўйлар яйловларда ўтлаши, одамлар ўт ўриши, хашак жамғаришлари ва ҳоказо) 
ҳақидаги тасаввурларини аниқлаш. Яқин атрофдаги ҳайвонларни, ҳовлига келадиган қуш, 
капалак, қўнғиз ва ниначиларни бир-биридан фарқлашга ўргатиш. 
Болаларни уй ҳайвонлари ҳаёти ҳақидаги тасаввурларини бойитиш. Уларни уй 
ҳайвонлари ва паррандаларни парвариш қилишда катталарга яқиндан ёрдам беришга 
ўргатишни давом эттириш.