Кичик гуруҳ (3-4 ёш)

Юриш ва югуриш ўйинлари. “Қўғирчоқникига меҳмонга”, “Сўқмоқ 
бўйлаб”, “Ким секинроқ (тезроқ)?”, “Менга етиб ол”, “Поезд”, “Қуёш ва 
булут”, “Нарсани олиб кел”, “Қушчалар учяпти”, “Қуёним-қуёним”. 
Ўрмалаш ўйинлари. “Шиқилдоққача ўрмалаб кел”, “Дарвозачадан 
эмаклаб ўт”, “Чизиқни босма”, “Эҳтиёт бўл”. 
Улоқтириш ва илиб олиш ўйинлари. “Доирадаги копток”, “Коптокни 
ушла”, “Дарвозачага киргиз”, “Нишонни мўлжалга ол”. 
Сакраш ўйинлари. “Менинг қувноқ коптогим”, “Ариқчадан сакраш”. 
Саҳналаштирилган ўйинлар. Болада театрлаштирилган ўйинларга 
қизиқиш уйғотиш, асар қаҳрамонлари билан мулоқот қилишнинг 
дастлабки тажрибасидан атроф-муҳит ҳақидаги (“Лолахон бувисиникига 
кетяпти”, “Гуруҳимизга меҳмон келди”) тушунчаларини кенгайтириш. 
Ўйин қаҳрамонларининг турли ҳаракатларини мусиқа орқали 
ифодалаш, жониворлар овозига тақлид қилиш, халқ оғзаки ижоди 
асарларидаги сўзларни такрорлашга кўмаклашиш. Боланинг ўйин 
жараёнидаги 
фаоллигини 
қувватлаш, 
ижодий 
қобилиятини 
ривожлантириш. 
Болага катталар томонидан театрлаштирилган томошаларни қўйиб бериш. 
Саҳналаштириладиган ўйинлар: “Шолғом”, “Фил билан хўроз”, “Бўғирсоқ”. 
Таълимий ўйинлар. Болани дидактик материал билан ўтказиладиган 
ўйинларда янги нарсаларни ўрганишга бўлган иштиёқини тарбиялаш.
Нарсаларнинг ўлчами, шакли, ранги ҳақидаги тушунчаларини бойитиш. 
Турли ўлчамдаги халқачадан пирамида (минорача) ясашга, “Геометрик 
мозаика”га (доира, учбурчак, квадрат) хос шаклларнинг ўзаро муносабатлари 
ичида тўғри мўлжал олишга, тўртта қисмдан (қирқма расмлар, кубиклар) бир 
бутунни ҳосил қилишга, бир хилдаги нарсаларнинг битта сенсор белгиси (ранг, 
шакл, ўлчам) бўйича мослиги ва фарқларини аниқлашга, қиёслашга ва
гуруҳлашга ўргатиш.
Болага 4 та ранг (қизил, кўк, сариқ, яшил) ҳақида содда тарзда (номларини 
айтиш ва кўрсатиш орқали) илк тушунча бериш, копток ва кубикларни ранги 
бўйича туркумлашни, рангига қараб қутичага жойлаштиришни ўргатиш. 
Ўйинчоқ ва нарсаларни қисмларга ажратишини, қутича ёки ручкаларнинг 
қопқоғини очиш ва ёпишини, кичик нарсаларни саватга жойлаштириши ва 
ундан чиқаришини рағбатлантириш. 
Диққат ва хотирани (“Нима йўқ бўлди?”); эшитишни (“Ниманинг овози?”); 
тери орқали сезиш, ҳарорат фарқларини билиш қобилиятини (“Ажойиб халтача”, 
“Оғир-енгил”); қўлнинг майда моторикасини (тугмачали, илмоқчали, чилвирли 
ўйинчоқлар) ривожлантиришга қаратилган таълимий ўйинлар ўтказиш.
Таълимий ўйинлар: “Топчи, нима йўқ?”, “Иссиқ-совуқ”, “Тугмачалар”, 
“Илгакчалар”, “Қулфчалар”, “Боғичлар”, “Рангини топ”, “Пирамида қур”, “Бир 
хил буюмларни топ”, “Гулдаста тўпла”, “Ўйинчоқни топ”, “Қўғирчоқни 
ухлатамиз”, “Нима ўзгарди?”.