Кичик гуруҳ (3-4 ёш)

Йил охирида бола: 
- атрофидаги катталар ва болаларнинг ҳаракатларига тақлид қилади; 
- узоқ вақт кўрмаган катталарни кўрганда хурсанд бўлади; 
- нотаниш болалар ва катталарга нисбатан қизиқиш билдиради; 
- танишлари билан мулоқот қилиш истагини яққол ифодалайди; 
- қисқа вақт давомида ўз тенгдошлари билан ўйнашни яхши кўради; 
- катталар билан фаол ўйинларни ўйнашни, уларнинг топшириқ 
беришларини ёқтиради ва бажаришга уринади;
- кўзгуда, суратда ўзини танийди, ўз исмини билади; 
- истаклари катталарнинг талабларига мос келмаганда норозилик 
билдиради; 
- оила фаолиятига (ўйинчоқларни йиғиштириш) аралаша бошлайди; 
- руҳан кўнгилчан, катталарнинг унга нисбатан муносабатига жуда 
сезгир;
- атрофдагиларнинг ҳис-туйғуларини (она бахтиёр, бува толиққан) 
сўз оҳанги ва ҳаракатидан ажратади; 
- ўз ҳиссиётларини ифодалайди (қучоқлаш, ўпиш, қувониш, ўз 
ютуқлари билан ғурурланиш, йиғлаётганларни ўзича юпатиш). 
 
 
 

---

29 
Нутқ, ўқиш ва саводга тайёргарлик 
(1-2 ёш) 
Нутқ. Болага катталарнинг нутқини тинглаш ва тушуниш, сўз 
бўлакларини ва 1-2 бўғиндан иборат оддий сўзларни (нон, олма, мушук, 
кучук, копток) айта олишни ўргатиш.  
Кундалик турмушда учрайдиган маълум ҳаракатларни ифодаловчи
сўзларни; эшитган оддий, қисқа мурожаатларни (ўйинчоқни олиб кел, 
қошиқни ол, қалпоғингни кий) тушуниш ва уларни бажаришга;
сўзлашганда тақлид қилишга; 2-3 та сўздан иборат (мен чой ичаман; олма 
ширин; чой иссиқ) гапларни тузишга ўргатиш. 
Буюмларни расмда ва аслини кўрганда таниш, номларини айтиш, улар 
билан ҳаракат қилиш; ўз ҳаракатларини сўз билан (нон едим, чўмилдим) 
ифодалаш; мураккаб бўлмаган ҳаракатларни бажаришни (кубикни олиб кел, 
устма-уст қўй) машқ қилиш. 
Бола билан ўйнаётганда ва муомала қилаётганда унинг қисқа 
маълумотларни қайтаришини рағбатлантириш, кўпроқ буюмлар ва 
ўйинчоқлар кўрсатиш, номларини айтиш, уларни маълум ҳаракатлар билан 
боғлаш. 
Кичкинтойни қисқа ҳикоя ва эртакларни эшитишга; суҳбатлашишга 
қизиқтириш; унга равон ва тўғри гапириш, саволлар бериш, саволларига 
жавоб қайтариш; расм ва фотосуратларни томоша қилиш, уларни 2-3 та 
сўз ёрдамида тушунтиришга ҳаракат қилишини рағбатлантириш, расмга 
мос сўзларни топишга ёрдам бериш.
Бола билан турли ўйинлар ўйнаш, нутқни ривожлантирувчи машқлар 
бажариш; бармоқлар театри ўтказиш; катта ёшдагиларнинг сўзларини 
такрорлаш, уй ҳайвонлари ва паррандаларнинг овозига (“вов-вов”, “миёв-
миёв”, “қу-қу-қув”) тақлид қиладиган ўйинлар ўйнаш мақсадга мувофиқ.