Ketmonin qo`ymaydi qabariq qo`ldan, Mehmon kelsa qaytib ketmaydi yo`ldan

---

 

 

 

Ketmonin qo`ymaydi qabariq qo`ldan, 

Mehmon kelsa qaytib ketmaydi yo`ldan, 

Hatto bog` qiladi qip-qizil cho`ldan, 

Toshdan tarvuz qilgan shu hojibobo. 

 

Erinmay ishlaydi bitmas toqati, 

Qimirlagan qirda har kun odati, 

Kuzda bilinadi qilgan mehnati 

,Toshdan tarvuz qilgan shu hojibobo. 

 

Ey bola, rost so`zla lof urma demang, 

Boboning ishidan hamma hang-u mang, 

Chigirtkalar bilan qilar yolg`z jang, 

Toshdan tarvuz qilgan shu hojibobo. 

 

Sakson uchda yoshi yo`q qo`lda hassa, 

Kulgi avjlanadi u qadam bossa, 

Alloh berganiga qo`shadi hissa, 

Toshdan tarvuz qilgan shu hojibobo. 

 

Yomon ko`rar mehnat qilmaganlarni, 

Tarvuz bersa qo`ldan olmaganlarni, 

Xabardor qilayin bilmaganlarni, 

Toshdan tarvuz qilgan shu hojibobo. 

 

Boboga zavq berar quyoshning nuri, 

Tarvuzga tomganda peshona teri, 

Palak  poyasidan kelmaydi beri, 

---

Toshdan tarvuz qilgan shu hojibobo. 

 

Dehqonobodimning bobo dehqoni, 

Bug`doydan ham to`la uning xirmon, 

Tushmasin yuzda ham qo`ldan ketmani, 

Toshdan tarvuz qilgan shu hojibobo. 

                                             2019-yil. 

  

 

,