Кесар кесиш жарроҳлик амалиёти

Кесар кесиш жарроҳлик амалиёти билан туғдиришнинг жарроҳлик техникаси
1А
КК жарроҳлик амалиётидан аввал сийдик катетерини ўрнатиш ва туклар меъёридан 
ортиқ ўсиб кетган ҳолда тахминий тери кесмаси соҳасидаги тукларни олиб ташлаш 
тавсия этилади.

---

22
Муолажани операция куни бажариш мақсадга мувофиқ ҳисобланади. Депиляция 
кремидан фойдаланиш ёки тукларни олиб ташлаш мумкин бўлади.
5С
КК жарроҳлик амалиётидан аввал операцион хонасида ҳомиланинг жойлашиши, 
олдинда ётган қисми ва юрак уриш сонини текшириш тавсия этилади. 
Ҳомиланинг жойлашиши ва олдинда ётган қисми КК жарроҳлик амалиёти билан 
туғдиришнинг техник хусусиятларига таъсир қилиши мумкин. Операцион хонасида 
ҳомиланинг юрак уриши аниқланмаслиги туғдириш усулига таъсир қилиши мумкин.
5С
Туғруқдан олдин ва эрта туғруқдан кейинги даврларда веноз тромбоэмболик 
асоратларни олдини олиш мақсадида компрессион трикотаж узун пайпоқларни 
(чулокларни) кийиш тавсия этилади.
5С
Операцион хонасида юзага келиши мумкин бўлган асоратларни ўз вақтида бартараф 
этиш мақсадида томир ичи инфузияларни бажариш учун томир ичи катетерини 
ўрнатиш тавсия этилади.
5С
КК жарроҳлик амалиётидан аввал кристаллоид эритмалар билан инфузион терапияни 
бошлаш тавсия этилади.
5С
Антиретровирус терапияни қабул қилмаган ОИВ билан касалланган аёлларда 
антиретровирус профилактикасини ўтказиш тавсия этилади.
5С
Операция олди тайёргарлик ва КК жарроҳлик амалиёти пайтида хавфсиз тиббий 
ёрдам кўрсатиш масалалари рўйхати ва уларни бажарилиши қайд этилишидан иборат 
назорат рўйхатини тўлдириш тавсия этилади.
1А
КК жарроҳлик амалиёти пайтида операцион жароҳат инфекциясини олдини олиш 
мақсадида хлоргексидин спиртли эритмаси билан терига операция олди ишлов бериш 
тавсия этилади.
КК жарроҳлик амалиёти пайтида операцион жароҳат инфекциясини олдини олиш 
учун хлоргексидин спиртли эритмаси билан терига операция олди ишлов бериш афзал 
ҳисобланади.
1А
Операциядан кейинги даврда камроқ оғриқ кузатилиши ва яхшироқ косметик натижа 
бериши туфайли терида кўндаланг кесмадан фойдаланиш тавсия этилади.
Терининг кесмаси қорин пастки қисмида қўндаланг ёки вертикал (ўрта чизиқ бўйлаб 
ёки парамедиал) бўлиши мумкин. Joel-Cohen бўйича лапаротомияда операциянинг 
давомийлиги ўртача 11,4 дақиқага, операция бошланишидан туғруқгача бўлган вақт 
1,9 дақиқага қисқаришига, операциядан кейинги гипертермия частотаси камайишига 
ва стационарда бўлиш муддати қисқаришига, операциядан кейинги даврда аналгезияга 
(оғриқсизлантиришга) бўлган эҳтиёжни камайишига олиб келади.