Kerakli jihozlar

Go’sht-pepton-jelatina (GPJ). Bu oziq muhitini tayyorlash uchun 1 l peptonli go’sht sho’rvasiga 100-120 g maydalangan jelatina qo’shiladi. SHo’rvaga qo’shilgan jelatinani eritish uchun kolba Kox qaynatgichida yoki avtoklavda qizdiriladi. Avtoklavning harorati 100° dan ortib ketmasligi uchun uning jo’mragi ochiq bo’lishi kerak, chunki jelatina yuqori haroratda o’z xususiyatini yo’qotadi. Go’sht-pepton-jelatina aralashmasi Kox qaynatgichidan yoki avtoklavdan olinib filbtrlanadi. Buning uchun burmali filbtr qo’yilgan shisha voronka, tunukadan yasalgan ikki qavatli maxsus voronka (5-rasm) ga joylashtiriladi va shu voronka ichiga quyilgan suv isitib turiladi. Bu filbtrdan o’tadigan go’sht-pepton-jelatinaning qotib qolishiga yo’l qo’ymaydi. Filbtrat probirka yoki kolbalarga taqsimlanadi.

Probirka va kolbalarning og’zi paxtadan yasalgan tiqin bilan bekitilib, ular Kox qaynatgichiga joylanadi. GPJ eritmasidagi mikroorganizmlarni nobud qilish uchun u Kox qaynatgichida 100°C haroratda 15-30 minut sterillanadi. Oradan 24 soat o’tgach, qaynatgichdagi GPJ qaytadan qizdiriladi. Yana 24 soat vaqt o’tgach, 100°C haroratda 15 minut saqlanib qaytadan sterillanadi. SHunday qilib, bu oziq muhiti Kox qaynatgichida 3 sutka davomida 3 marta sterillanadi.

GPJ asosan sovuq sharoitda ishlatiladi, chunki harorat 24°C gacha isishi bilan jelatina suyulib qoladi. SHuning uchun mikrobiologiya amaliyotida ko’pincha agar- agardan tayyorlangan oziq muhitidan foydalaniladi.