Kerakli jihozlar

Natijalar. Ildam kaltakesak qanday sharoitda yashashiga e’tibor bering. Kaltakesak quruq muhitda yashash uchun qanday moslanganini, qanday urug‘lanib ko‘payishini amfibiyalar bilan taqqoslang.

Kaltakesak va boshqa sudralib yuruvchilarning tuzilishini taqqoslang.

Xulosa. Ildam kaltakesakning tashqi va ichki tuzilishini ko‘rib, xulosa chiqaring. Rangli rasmlarda tasvirlangan kalta­kesakning barcha ichki organlarini tahlil qilib, amfibiyalar- ning skeleti, muskuli va ichki organlari bilan solishtirib xulosa chiqaring. Kerakli rasmlarni albomingizga chizib oling. Tajribadan olgan natijalarni daftaringizga yozib qo'ying.

„Qadimgi sudralib yuruvchilarning rivojlanishi va qirilib ketishi“ mavzusida mustaqil ish yozing.

Qushlar sinfi

2.16-mashg‘ulot. Tovuq tuxumi va patining tuzilishini
o‘rganish. Tovuq skeleti va muskullari
tuzilishini o‘rganish

Qushlar uchishga moslashgan umurtqali hayvon hisobla- nadi. Ular hozirgi vaqtda 8000 tur va 35—45 turkumni o‘z ichiga oladi.

Morfologiyasi: tanasi patlar bilan qoplangan. Oldingi oyoqlari qanotlarga aylangan. Bosh suyagi bitta o‘simtali, yuragi to‘rt kamerali, suyaklari pnevmatik va bitta o‘ng aorta yoyi bor. Muguz tumshug‘i tish vazifasini bajaradi.

Gavdasi: bosh, bo‘yin, tana va oyoqdan iborat. Oyoqlari muguz tangachali teri bilan qoplangan. Qushlarning terisi yupqa va quruq bo‘lib, pat bilan qoplangan. Har bir qoplagich pat o‘zak va ikki tomonlama yelpig‘ichdan iborat.

Qoplagich patlar ostida mayda parlar joylashgan (42- rasm). Parlarining yelpig‘ichi yumshoq va g‘ovak bo'ladi. Qushlarning terisida bezlar rivojlanmagan, faqat dumi asosida quymich bezi bo'ladi. Qushlarning oyog‘ida mayda muguz tangachalari bo‘lib, sudralib yuruvchilarnikiga juda o‘xshaydi. Ularning patlari,