"kelishildi" "tasdiqlayman"

Oilaviy poliklinika klinik-diagnostika laboratoriyasi shifokor laborantining lavozim yoʼriqnomasi


I. Umumiy qoidalar

1. 
   Oilaviy poliklinikaning klinik-diagnostika laboratoriyasi shifokor laboranti lavozimiga laboratoriya ishi boʼyicha oliy tibbiy maʼlumotga ega mutaxassis yoki laboratoriya ishi boʼyicha qayta tayyorgarlik kursini tamomlagan va sertifikat olgan boshqa mutaxassislar tayinlanadi.
   
2. 
   Shifokor laborant bosh vrach tamonidan ishga tayinlanadi va boʼshatiladi.
   
3. 
   Shifokor laborant bo’lim mudiriga bevosita boʼysunadi.
   
4. 
   Shifokor laborant oʼz ishida laboratoriyada ishni tashkil etish uchun belgilangan yoʼriqnomalar va qoidalarga, shuningdek bosh vrach, bosh vrachning oʼrinbosari buyruqlari hamda farmoyishlariga va mazkur nizomga amal qiladi.
   

II. Shifokor laborantning vazifaviy majburiyatlari

Shifokor laborantning majburiyatlari quyidagilardan iborat:

5. 
   Laboratoriya tekshiruvlarini oʼtkazish, natijalarini baholash.
   
6. 
   Ish uchun reaktivlar, kimyoviy idishlarni, apparaturani tayyorlashni nazorat qilish.
   
7. 
   Laboratoriyaga kelayotgan biologik materiallarni tekshirish.
   
8. 
   Laboratoriya tekshirishlari uchun analizlarni tekshirish.
   
9. 
   Meʼyoriy-texnika hujjatlariga, texnika xavfsizligi va sanitariya-epidemiyaga qarshi tartib qoidalariga muvofiq laboratoriya uskunalarini ishlatish, qoidalariga rioya qilish.
   
10. 
    Аmaldagi yoʼriqnomalarga muvofiq laboratoriya uskunalarini yuvish va ularga ishlov berishni amalga oshirish.
    
11. 
    Hisob hujjatlarini (roʼyxatga olish, jurnallar va blankalarga natijalarni qayd qilish va boshqalar) toʼgʼri va oʼz vaqtida yuritish va nazorat qilish.
    

III. Shifokor laborantning huquqlari

Shifokor laborant quyidagi huquqlarga ega:

12. 
    Ishni tashkil qilish, zarur reagentlar, xarajatli materiallar bilan taʼminlash masalalarida, shuningdek oʼz vakolatlari doirasida laboratoriya diagnostika jarayonini yaxshilash masalalarida takliflar kiritish.
    
13. 
    Malakasini oshirish va belgilangan tartibda malakaviy darajasini olish uchun attestatsiyadan oʼtish.