Келишилди” Қорақалпоғи

V - Боб. Фуқаро муҳофазаси тузилмаларидан
тинчлик даврида фойдаланиш
18. Объект фуқаро муҳофазаси бошлиғининг қарори билан тузилмалардан тинчлик даврида йирик ёнғинларга қарши кураш, табиий офатлар (сув тошқинлари, зилзила ва ҳ.к.), йирик авария ва ҳалокатлар оқибатларини бартараф этишда ҳамда ФВДТ таркибида амалга ошириладиган бошқа тадбирларни бажариш (қўмондонлик-штаб, махсус-тактик, объект ўқув машқлари, аҳолини фавқулодда вазиятларга тайёрлаш юзасидан ўтказиладиган барча тадбирларни амалга ошириш) ишларида ҳам фойдаланилади.
19. Тузилмалардан йирик ёнғинларга қарши кураш, табиий офатлар оқибатларини бартараф этишга (сув тошқинлари, зилзила ва ҳ.к.) жалб қилинган шахсий таркибдан 10 кун муддатгача фойдаланилади, ушбу муддатни алоҳида вазиятларда Қорақалпоғистон Республикаси Фуқаро муҳофазаси бошлиғининг қарори билан узайтириш мумкин.


VI - Боб. Фуқаро муҳофазаси тузилмаларини техника,
асбоб-анжом ва жиҳозлар билан таъминлаш

20. Тузилмаларни зарур автомобиль, муҳандислик, махсус ва бошқа техникалар билан таъминлаш, объектда мавжуд техникалар ҳисобига амалга оширилади. Техникаларни таъмирлаш ва қайта тиклаш ишлари, объект ўз малағи ҳисобидан амалга оширилади.

21. Объект фуқаро муҳофазаси тузилмалари объектдаги ишлаб чиқариш фаолиятини таъминлайдиган, штат ва табелда кўрсатилган бошқа турдаги моддий-техник воситалар билан биринчи навбатда таъминланади.


VII-Боб. Фуқаро муҳофазаси тузилмаларининг шахсий таркибини
ижтимоий ҳимояланиши


22. Тузилмаларнинг шахсий таркиби табиий офат, йирик авариялар
ва ҳалокатларни, ўрмон ёнғинларини ва бошқа табиий ва техноген хусусиятли фавқулодда вазиятларни оқибатларни бартараф этишга жалб этилганда бепул озиқ – овқат, вақтинчалик турар жой, махсус кийим бош, фавқулодда вазиятларни бартараф этиш жойларига бориб – келиш учун транспорт билан таъминланади.
Қутқарув ишларини бажариш вақти қутқарув ишларини бошланишидан улар тугагунигача ҳисобга олинади.
Ўқув йиғинларига, фуқаро муҳофазаси машғулот ва машқларига белгиланган вақт кундалик жараёнда ички меҳнат тартиби бўйича навбатчилик жадваллари ва бошқа тадбирларга ажратилган этиб ҳисобланади.
23. Тузилмаларга жалб этилган шахсий таркибга табиий офат, йирик авариялар ва ҳалокатларни, ўрмон ёнғинларини ва бошқа табиий ва техноген хусусиятли фавқулодда вазиятлар оқибатларини бартараф этиш вақтида асосий
иш жойидан ўрта хизмат маоши тўлаб берилади, ўриндошлик бўйича ишлайдиганларга ўртача маош қўшимча тўланади.
Тузилмалар аъзоларига қутқарув ишларини олиб боришда олинган тан жароҳатлари учун ҳамда оила аъзоларига боқувчисини йўқотган ҳолларда Ўзбекистотн Республикаси қонун хужжатлари билан белгиланган тартибда нафақалар белгиланади.
24. Қутқарув тузилмалари аъзоларининг ҳаёти ва соғлиги мажбурий суғурталанади. Мажбурий суғурталаниш тартиби ва шартлари қонун хужжатлари билан белгиланади.
25. Фуқаро муҳофазаси тузилмалари шахсий таркибини ижтимоий ҳимоялаш масалалари фуқаро муҳофазаси тузилмалари ташкил этган объектлар маъмурияти ва меҳнат жамоаси ўртасида тузилган жамоа шартномаларида белгиланади.


VIII-Боб. Фуқаро муҳофазаси тузилмаларининг ҳисобини юритиш


26. Объект фуқаро муҳофазаси тузилмаларининг ҳисобини олиб бориш мазкур Низомнинг 3-сонли иловасига мувофиқ амалга оширилади.
27. Объект миқиёсидаги фуқаро муҳофазаси тузилмалари ҳисоби-тегишли фуқаро муҳофазаси бошлиқлари томонидан умумлаштирилади ва олиб борилади.