Keling birga o‘ynaymiz

2.Sahnalashtirilgan o‘yinlar – ushbu o‘yin ijodiy  o‘yinlar sarasiga  kiradi. 

Sahnalashtirilgan  o‘yin  bolaning  eshitgan  asar  yoki    ertakdan  olgan  tasavvurini  

mustaqil  ifodalash  hamda  mashq  qilish  imkonini  beradi.  Bu  o‘yinlar  bolalarda  

iroda,  intizom,    o‘z  xarakatlarini  boshqalarning  harakatiga    muvofiq  amalga 

oshirish  kabi  sifatlarni  tarbiyalashda    samarali    vosita  hisoblanadi. 

Sahnalashtirilgan  o‘yin    badiiy  asar  asosida  qo‘yiladi,  o‘yin  syujeti,  rollar, 

qahramonlarning  hatti  harakatlari,  ularning    nutqi  asar  matniga  ko‘ra  belgilanadi. 

Ertak yoki  hikoyadagi  mazmun bolalarga  yaqin, ularning  yoshi va  qiziqishiga 

mos, tushunarli bo‘lib, bola unda  kirishib ketgan  taqdirdagina asardagi obraz  va 

harakatlar  to‘g‘ri aks ettiriladi. Bu ish MTT da  bir qator mashg‘ulotlar va o‘yinlar 

o‘tkazish    orqali  amalga  oshiriladi.  Sahnalashtirish    ishlarini    quyidagi  

bosqichlarda o‘tkazish mumkin:   

Sahnalashtirish uchun: 

- adabiyotlar tanlash, ertak, xikoya, she’rda  qatnashuvchi bolalar  soni ko‘p 

bo‘lishi;  

- asarda mazmun  yaxshi bo‘lishi bilan birga  harakatlarning  xilma-xilligiga 

ham e’tibor  qaratish;  

- asarning  mazmuni qiziqarli bo‘lishi; 

- ifodali o‘qish uchun ham mos  kelishi ; 

-  asarni    ifodali  o‘qish  yoki    qo‘g‘irchoqlar,  soya    teatrlari    yordamida  

ko‘rsatib berilishi;  

-  asarni  bolalar    eslab    qolishlari  uchun  qayta    o‘qib  berish,    rasmlar 

namoyish etish, didaktik o‘yinlardan  foydalanish. 

          -  o‘yin  qiziqarli  davom  etishi  uchun  o‘yinga  kerakli  materiallar,    kiyimlar 

tayyorlab berish va shu bilan birga  to‘g‘ri  rahbarlik  qilish. 

          Guruhda  shu    yoshli  bolalarga    mos  bo‘lgan  asarlar  shu  tartibda  

sahnalashtiriladi.