«keli shild i»

TIJORAT MASALALARI BO‘YICHA BOSH DIREKTOR MUOVINI
VA TRANSPORT BO‘YICHA BOSH DIREKTORNING VAZIFALARI

YOng‘in o‘chirish shtabi bilan doimo birgalikda aloqa bog‘lab turadi, shuningdek avtotransport sexida ajratilgan yordamchi texnika, avtoko‘targich va boshqalar mexanizmlarni o‘z vaqtida etib kelishini ta’minlaydi. Uzoq davom etadigan yong‘inlarni bartaraf etayotgan ishchi va xizmatchilar hamda yong‘indan saqlash xizmati xodimlari uchun issiq ovqat, kiyim-kechak, dam olish punktlarini tashkil qilishi hamda yong‘in o‘chirish avtomobillari uchun yoqilg‘i-moy mahsulotlarini etkazib berishni tashkil etadi.

EKOLOGIYA VA TEXNIKA XAVFSIZLIGI BO‘YICHA
BOSH MUHANDIS MUOVININING VAZIFALARI

Tezkorlik yong‘in o‘chirish shtabi boshlig‘i bilan doimiy aloqada bo‘lib, hizmat ko‘rsatayotgan va boshqa yong‘inga jalb etilgan xodimlar hamda xizmatchilarning mehnatni muhofaza kilish qoidalariga rioya qilishi yuzasidan nazoratni amalga oshiradi. Xavfsiz joyda birinchi tibbiy yordam ko‘rsatish punktni tashkil etish choralarini amalga oshiradi.

BOSH MUXANDISNING VAZIFALARI

YOng‘in o‘chirish rahbari bilan doimiy aloqada bo‘ladi, yong‘in o‘chirish shtabiga jalb etilgan maskan mutaxassislari harakatlarini umumiy rahbarligini tashkil etadi. Birlashma xizmatini va yong‘in o‘chirish bo‘linmalari bilan o‘zaro aloqasini tashkil etadi. Zaruriy yordamchi texnikalarni, shuningdek yong‘in o‘chirish va konstruksiyalarni qismlarga ajratishda yong‘in o‘chirish bo‘linmalariga yordam ko‘rsatish maqsadida lom yoki boshqa kerakli anjomlar bilan ta’minlaydi. YOqilg‘i-moy mahsulotlari va ko‘pik hosil qiluvchilar moddalarni keltirishni tashkil qiladi.

BOSH ENERGETIKNING VAZIFALARI

Suv ta’minoti, elektr ta’minoti, aloqa sexlari ishini tashkil qiladi. Elektr qurilma va elektr tarmoqlarini kuchli va yorug‘lik asboblarini o‘chirish bo‘yicha ishlarni tashkil qiladi. Tungi vaqtda yong‘in joyini kerakli yoritish asboblari bilan ta’minlaydi. YOng‘in o‘chirish avtomobillari, shaxsiy tarkib hamda yong‘inni bartaraf etishda ishtirok etayotgan ishchilarni elektrdan himoyalash vositalari bilan ta’minlaydi. YOng‘in o‘chirish uchastkalari joylashgan joylarda suv quvuri tarmog‘ida yuqori bosimni tashkil qiladi.