«keli shild i»

YONG‘IN O‘CHIRISH RAHBARI UCHUN TAVSIYALAR

1. 
   YOng‘in holatini aniqlash ishlarini tashkil etadi.
   
2. 
   YOng‘in o‘chirish shtabini tashkil etadi.
   
3. 
   YOng‘in o‘chirish shtabi boshlig‘i orqali shtab tarkibiga maskan mutaxassislari kiritiladi.
   
4. 
   YOng‘in o‘chirish uchastkasi, shtab, ta’minot uchastkalarida mehnatni muhofaza qilish qoidalariga javobgarlarni ta’minlaydi.
   
5. 
   2 ta YOng‘in o‘chirish uchastkalarini tashkil etadi: 1–YOng‘in o‘chirish uchastkasi yonayotgan moyni o‘chirish uchun; 2–YOng‘in o‘chirish uchastkasi texnalogik uskunalarni himoyalash uchun.
   
6. 
   Maskan ma’muriyatidan yong‘in sodir bo‘lgan joyning elektr ta’minotidan uzilganligi haqida ma’lumotni oladi.
   
7. 
   Ishchi va xizmatchilarning evakuatsiyasi bo‘yicha ishlarni bajaradi.
   
8. 
   YOng‘in o‘chirish uchastkalari joylashgan joylarda suv quvuri tarmog‘ida yuqori bosimni tashkil qiladi.
   

9. YOng‘inni o‘chirish rahbari yong‘inni o‘chirishda ishtirok etayotgan yong‘indan saqlash xizmati shaxsiy tarkibi hamda yong‘inni o‘chirishga jalb etilgan kuch va vositalarning xavfsizligini ta’minlaydi.

10. YOng‘inni o‘chirish rahbari yong‘inni o‘chirish harakatlari amalga oshirilayotgan hudud chegaralarini, harakatlarni bajarilishining tartibini belgilaydi, shuningdek yong‘in chog‘ida odamlarni, yuridik va jismoniy shaxslarning mol-mulkini qutqarish bo‘yicha qarorlar qabul qiladi.

11. Zarur hollarda, YOO‘R boshqa qarorlar, shu jumladan yong‘inni o‘chirish harakatlari amalga oshirilayotgan hududdagi yuridik va jismoniy shaxslarning huquqlarini cheklaydigan qarorlar qabul qilishga haqli.

12. YOO‘R quyidagilarni bajaradi:

yong‘in holatini aniqlash va vaziyatni baholash, odamlarni qutqarishni tashkil qilish va shaxsan o‘zi shu ishni boshqarish, kuch va vositalardan foydalanib sarosimalikni oldini olishni;

hal qiluvchi yo‘nalishni, kuch va vositalarni kerakli miqdorini, yong‘inni bartaraf etishdagi harakatlarning usul va yo‘llarini aniqlashni;

yong‘in chiqish sabablarini aniqlash uchun choralar ko‘rishni;

yong‘in kelib chiqish sabablarini aniqlashda yong‘in nazorati va yong‘in texnik laborotoriyasi xodimlarini jalb qilishni;

yong‘in bartaraf qilinganiga shaxsan ishonch hosil qilish va kuzatishni davom ettirish zaruratini aniqlashni;

yong‘in sodir bo‘lgan joydan bo‘linmalarni va o‘zaro harakat xizmati turlarini chiqib ketish tartibini belgilashni.

13. YOng‘inni bartaraf etish uchun qo‘shimcha kuch va vositalarni kerakligini aniqlashda yong‘inni o‘chirish rahbari quyidagilarni hisobga olishi kerak:

chaqirilgan kuch va vositalarni harakati boshlangunga qadar yong‘inning tarqalish maydoni yuzasini;

dastaklarni berish uchun kerakli kuchlar soni, odamlarni qutqarish ishlari va bino inshootlarini buzish-ochish, mol-mulklarni xavfsiz joyga olib chiqish ishlarini;

maxsus xizmat xodimlarini jalb qilinishi zarurati;

suvni avtotsisternada tashib kelish yoki bir-biriga uzatish yo‘li bilan suv keltirishni tashkil qilishni.

14. YOng‘inda kuch va vositalarni joylashishiga o‘zgartirish kiritilsa, yong‘inni o‘chirish rahbari yangitdan guruhlash to‘g‘risida qaror qabul qilishi va uni bo‘linma rahbarlariga etkazib kimga, qaysi vaqtda, qanday guruhlash ko‘rsatiladi.

15. YOng‘inni o‘chirish rahbari buyruqni bajaruvchilarga shaxsan, tezkorlik shtabi, aloqa boshlig‘i yoki aloqachi orqali hamda texnik aloqa vositalari yordamida etkazadi.

16. YOng‘inni o‘chirish rahbari yong‘inni to‘g‘ri o‘chirilayotganini va yong‘inni bartaraf qilinishiga kuch va vositalarni etarliligini aniqlaydi.