Kelajagingiz uchun imkoniyatlar eshigi bo`lgan

Stipendiat bo‘lgan talabalarga qanday imtiyozlar bor?

Davlat stipendiyalariga sazovor bo‘lgan talabalar bakalavriatni tugatganidan so‘ng bir yil mobaynida, tegishli mutaxassislik bo‘yicha magistraturaga kirish imtihonlarisiz, grant asosida qabul qilinadilar. (Kichik izoh: Nomli davlat stipendiya sohiblari magistraturaning turdosh bo‘lmagan mutaxassisliklarga imtihonsiz qabul qilinmaydi. Agar stipendiat magistraturaning turdosh bo‘lmagan mutaxassisligiga hujjat topshirmoqchi bo‘lsa, unda ularga imtiyoz qo‘llanmaydi va umumiy asoslarda imtihonga topshirishi mumkin. Asos: Vazirlar Mahkamasining 20.06.2017 yildagi 393-sonli qarori bilan tasdiqlangan Nizomning 7-bandi.)

Davlat stipendiyalariga sazovor bo‘lgan talabalar o‘qishni tugatganlaridan so‘ng bir yil mobaynida magistraturada o‘qishni davom ettirish uchun xorijga yuborilayotgan yoshlar guruhlari tarkibiga kiritilishda ustunlikka ega bo‘ladilar.

Davlat stipendiyalariga sazovor bo‘lgan talabalar bir yil mobaynida tegishli davlat stipendiyalari uchun belgilangan mablag` miqdorida rag`batlantiriladi (nomli davlat stipendiyalari uchun 1 207 406 so`m, Prezident stipendiyasi uchun 1 811 191 so`m).