Кегейли районы Халық билимлендириў бөлимине қараслы

1. Халық билимлендириў системасында коррупцияға қарсы гүресиў:
ТЫҢЛАНДЫ:
Жыйналысты мектеп директоры Т.Жиенбаев кирис сөз бенен ашты ҳәм алып барды. Күн тәртибиндеги мәселе бойынша жыйналыс қатнасыўшыларын таныстырып өтти.
Ол өз сөзинде мектепте коррупцияға қарсы гүресиў бойынша алып барылып атырған жумысларға тоқтап өтти. Мектеп хызметкерлери «Ўзбекистон Республикаси халқ таълими тизими ходимларининг
этикаси ва хизмат ахлоқи меъёрлари» менен таныстырылғанлығын атап өтти.
Мектебимизде штат кестелери ҳәм тарификация дизимлериниң белгиленген норматив ҳүжжетлер тийкарында дурыс дүзилгенлиги, исеним қағазларының жүритилиўи, мектеп хызметкерлерине ис-ҳақылардың дурыс есапланып төленип атырғанлығы хәзирги кўнге келип билимлендириў системасында коррупция сыяқлы жат иллетлерге еш қандай орын жоқлығы себеби биз келешек аўлатты тәрбиялап атырған дәргайда мийнет етип атырған зиялы инсанлар екенлигимизге айрықша тоқталып өтти хәм бул жолдың ақыры жоқ екенлиги егерде усындай иллетлердиң гуўасы болған жағдайда мектеп басшылары хәм тийисли тараў хызметкерлерине мўражат етиу тийислиги ҳаққында айтып өтти.
Буннан соң мектептиң РАИБДО Р.Байжанов шығып сөйлеп ол өз сөзинде Өзбекстан Республикасы нызамшылығында коррупцияның түрли формаларына қарсы гүресиўге бағдарланған нормалардың белгиленгенлигин айтып өтти. Пара алыў ҳәм пара бериў, парахорлықта қатнасыў, хызметкерлерди пара менен өз тәрепине аўдырыў, сондай-ақ, ҳәкимият ямаса лаўазымынан пайдаланыў, ҳәкимият ямаса лаўазым шеңберинен шығыў, лаўазымынан пайдаланған ҳалда қәлбекилестириўге жол қойыў ушын жынаят жуўапкершиликлери белгиленгенлигин хәм бул иллетке қарсы хамме биргеликте гуресиу кереклиги атап өтилди.
Сөзге окыў ислери бойынша директор орынбасары К.Байымбетов шығып сөйлеп, мектепте коррупцияға қарсы гүресиў бойынша комиссия дүзилгенлигин, арза, билдириў ҳәм усыныслары ушын қутышаның қойылғанлығын ҳәм дизимге алыў дәптериниң жүритилгенлигин, дағазалар тахтасының жайластырылыўлары ҳаққында айтып өтти.
Мәжилис соңында қатнасыўшылар өзлериниң қызықтырған сораўларына жуўаплар алды.
ҚАРАР:
1. Жоқарыда айтып өтилген баянатлар мағлыўмат ушын қабыл етилсин.
2. Коррупцияға қарсы гүресиў бойынша жумыслар турақлы түрде алып барыў жолға қойылсын.
.
Мәжилис баслығы: Т.Жиенбаев
Хаткер: Р.Байжанов

Кегейли районлық ХББ не қараслы 27-санлы улыўма билим бериў мектебинде болып өткен жыйналыстың