Кегейли районы Халық билимлендириў бөлимине қараслы

КҮН ТӘРТИБИ:
1. Жас өспиримлер арасында диний экстремизм, терроризм ҳәм жынаятшылықтың алдын алыў ҳаққында.
Тыңланды: Жыйналысты мектеп директоры Т.Жиенбаев ашып берди, жыйналыс қатнасыўшылары ҳәм күн тәртиби менен таныстырып өтти. Буннан соң сөзге Қумшунгул АПЖ профилактикасы инспекторы А.Бердимуратов шықты. Ол өз сөзинде «Экстремизм» (экстремизм-французша «extremisme», латынша «extremus»-кескин,соңғы) ниң тийкарында жәмийетте қабыл етилген нызам қағыйдаларға жат нәрселерди зорлаў ҳәм соған көндириўлер түсиниледи. Диний экстремизм жәмийет ушын керекли болған диний қәдириятлар ҳәм ақидавий аҳкомлар тизимини инкор этиш ҳәм оларға жат болған «идея»ларды агрессив усылда үгитлеў болып есапланады. Мәселен Орайлық Азияда диний эктремистлер тийисли аймақ халықлары ушын дәстүрий болған ҳанафий мазхаби ва мотуридия үгитлерин бийкар етип, мусылманларға сиясийластырылған ваҳҳобий салафий идеяларын сиңдириўге урынбақта. Олар «машқалалар мусылман жәмийетлерди исламшылығын жоғалтқаны себепли пайда болған «кәпир» ҳүкиметлерин аўдарып таслаў керек» сыяқлы диний түсиниклерден пайдаланып ҳәкимиятқа умтылмақта.
Террор (французша-«terror») зорлық ислетиўди билдириўши социаллық финомен болып есапланады.Сиясий терроризм белгили социаллық топар ниетлери жолында зорлық (өз жанына қаст етиў, жарып жибериў, гиреўге алыў, турақсызлықты келтирип шығарыў адамлардың арасында қорқыў пайда етиў ҳәм тағы басқа да жат иллетлерди қолланыў менен байланыслы. Терроршы жәмийетлер ғалаба тәризде ҳәрекет ете алмағанлығы ушын адамлардың кең қатламы атынан ҳәрекет етиў тәсирлерин оятыў мақсетинде түрли сиясий, миллий яки диний түсиниклерден жасырын пайдаланады.
Халық аралық терроризм трансмиллий әҳмийетке ийе терроршылық ҳәрекетлери пайда етилгени, түрли мәмлекетлер аймағындағы терроршы топарлар арасында беккем мәлимлеме мағлыўмат ҳәм жалланба гүресиўшилерди алмастырыў, компьютер технологиялардан үгит-нәсият ҳәм жаллаў жумысларында кең пайдаланыўдың жолға қойылғаны, терроршыларды таярлаўға арналған лагерлердиң пайда болғанлығы ҳәм ири қаржы дереклерине ийе екенлиги менен характерленеди.
Буннан соң сөзге мектептиң руўхыйлық ҳәм ағартыўшылық ислери бойынша директор орынбасары Р.Байжанов шығып сөйлеп өз сөзинде, ИШИД шөлкемниң ҳәрекет дәстүри «жиҳод» жолы менен Орайлық Азияда «Буюк Ислам халифалығын» тиклеў, буған Кавказ ҳәм Россия Федерациясының Волга бойы республикаларын тартыўды нәзерде тутады. Өзбекстандағы ишки сиясий жағдайды истен шығарыў ушын қурал сыпатында копарыўшылық, терроршылық ҳәрекетлерин әмелге асырыў ҳәм ҳәр түрли өсек тарқатыўдан пайдаланады. Усындай ағымлар тәсирине түсип қалмаў ушын өзин-өзи басқарыў уйымлары хызметкерлери менен биргеликте жумыслар алып барсақ оқыўшы жасларымыздың ҳәр қыйлы диний ағымларға қосылып кетиўдиң алдын алған болар едик деп атап өтти.