Kechirish va imutish aqlli insonlarning intiqomidir

Meni umuman ahamiyatga olmaganing uchun sendan g'azablanganim yo'q. Havotir olma, qarg'ash sira xayolimga kelgan emas. Sening soyangda qalbingning asl holatini ko'rdim.

Buning uchun sendan qarzdorman. Bir paytlar senga butun borlig'im deya nazar solar edim*ku, endi esa sendan sening sharofating bilan voz kechayapman.

Baribir ishonaman

Biz sevishdan va sevilishdan boshqa narsaga umid qilmaydigan insonlardan edik. Qalbimizni parchalashdi. Bir kuni qisqa bir jumla o'qigandim: "Ehtimol men har doim yoningda bo'lolmasman, ammo iforim hamisha sen bilan birga bo'lsin. Qo'llarimning taftini doimo qo'llaringda his qil. Bilaklarimizni har on bir-biriga yopishgan deb faraz qil. Buni shuuringga muhrla. Seni juda qattiq sevaman!" Shu jumla atab yozilgan insonning o'rnida bo'lishni va shu qadar kuchli sevilishni istardim. Ammo guvohi bo'lganingizdek, kuchli sevilishni bir chetga qo'yib turing, qarshimizdan chiqqanlar qalbimizdagi tuyg'ularni abadiy deb o'ylab, ahamiyatga olishmaydi. Boshida o'zlarini hammadan boshqachadek his qildirib, oxir-oqibat, aslida, ularning ham hech kimdan farqi yo'q ekanligini ko'rsatishadi. Ehtimol buni uddaburonlik deb o'ylashar, lekin insonlarning tuyg'ulari bilan o'ynashish hech qanday insoniylik qonun-qoidalariga to'g'ri kelmasligini bilishmaydi.

Biroq shunday bo'lsa ham, men bir joylarda hanuz moychechakdek nozik qalb egalari borligiga ishonaman.

Agar unday bo'lmaganida, moychechaklar bunchalik xushbo'y taratmasdi. Moychechaklarning bu qadar yoqimli ifor taratishining biror sababi bo'lishi aniq. U ham moychechak isi taralgan tuyg'ulardir. Balki boshqa bir insonlarning ichida, balki o'zga bir tuyg'ularning ichida, balki boshqa muhabbatlarning ichida, ammo mutlaqo bir joylarda moychechak misol nozik qalbli insonlar bor. Va shubhasiz, eng chiroyli shaklda sevadiganlar mutlaqo moychechak misol zarif qalbli insonlardir.