Кўчмас мулк ва мулк ҳУҚУҚи амалий қўлланма

КЎЧМАС МУЛК ВА МУЛК ҲУҚУҚИ
134
Халқаро ташкилотларга тегишли транспорт воситалари бўйича 
битимларни тасдиқлаш 
Ўзбекистон Республикасида аккредитациядан ўтган дипломатик 
ваколатхоналар, халқаро ташкилотлар, хорижий компаниялар ҳамда 
фирмалар ваколатхоналарига ҳамда уларнинг ходимларига, оила аъзоларига 
тегишли «CMD», «D», «UN», «T», «X», «M» сериядаги давлат рақамларига эга 
бўлган автомототранспорт воситаларини бошқа шахсга ўтказиш тўғрисидаги 
битимларни тасдиқлашда қўшимча равишда Ўзбекистон Республикаси Ташқи 
ишлар вазирлигининг розилигини тасдиқловчи ҳужжат талаб қилинади.
Давлат ташкилотларига тегишли транспорт воситалари бўйича 
битимларни тасдиқлаш
Давлат ташкилотларига тегишли бўлган автомототранспорт воситаларини 
бошқа шахсга ўтказиш тўғрисидаги битимларни тасдиқлашда юқорида 
кўрсатилган ҳужжатларга қўшимча равишда баҳоловчи ташкилотнинг 
ҳисоботи ва юқори турувчи ташкилотининг рухсати (агар юқори турувчи 
ташкилот мавжуд бўлса) ҳам талаб қилинади.
Транспорт воситалари бўйича битимларни давлат рўйхатидан 
ўтказиш 
Фуқаролик кодекси 8-моддасининг 3-қисмига кўра давлат рўйхатидан 
ўтказилиши шарт бўлган мол-мулкка бўлган ҳуқуқлар, агар қонунда бошқача 
тартиб назарда тутилган бўлмаса, унга бўлган тегишли ҳуқуқлар рўйхатдан 
ўтказилган пайтдан бошлаб вужудга келади.
Қонун талабларига кўра транспорт воситаларига нисбатан мулк ҳуқуқи уни 
эгалашга қаратилган битимлар тузилганидан кейин эмас, давлат рўйхатидан 
ўтказилганидан кейин вужудга келади.
Нотариуслар томонидан тасдиқланган автомототранспорт воситалари 
билан боғлиқ битимлар нотариал тартибда тасдиқланган пайтдан бошлаб 
10 кун мобайнида ДЙҲХХ органларида рўйхатга олиш (ҳисобга қўйиш) учун 
тақдим этилиши лозим.
Автомототранспорт воситаларини мазкур банд талабларини бузган 
ҳолда бошқариш қонун ҳужжатларига мувофиқ ҳайдовчиларни транспорт 
воситасини бошқаришдан вақтинча четлатган ҳолда уларни маъмурий 
жавобгарликка тортишга олиб келади.
Ҳайдовчиларнинг белгиланган тартибда рўйхатдан ўтказилмаган ёки 
мажбурий техник кўрикдан ўтказилмаган ёхуд фойдаланиш ман этиладиган 
даражада носозлиги бўлган, худди шунингдек ишлаётганида ташқарига 
чиқараётган ифлослантирувчи моддаларнинг миқдори, шунингдек шовқин 
даражаси белгиланган нормалардан ортиқ бўлган транспорт воситаларини 
бошқариши, - энг кам иш ҳақининг иккидан бир қисми миқдорида жарима 
солишга сабаб бўлади.

---