Кўчмас мулк ва мулк ҳУҚУҚи амалий қўлланма

Мероснинг очилиши . Мерос фуқаронинг ўлими ёки унинг суд томонидан 
вафот этган деб эълон қилиниши оқибатида очилади.
Мероснинг очилиш жойи . Мерос қолдирувчининг охирги доимий яшаб 
турган жойи мероснинг очилиш жойи ҳисобланади. Агар мерос қолдирувчининг 
охирги яшаб турган жойи номаълум бўлса, мерос қолдирувчига тегишли бўлган 
кўчмас мулк ёки унинг асосий қисми турган жой, кўчмас мулк бўлмаган тақдирда 
эса, кўчар мулкнинг асосий қисми турган жой мерос очилган жой деб ҳисобланади.

---

КЎЧМАС МУЛК ВА МУЛК ҲУҚУҚИ
120
Фуқаролик кодекси 1118-моддасининг 1-қисмига кўра мерос очилган 
пайтда ҳаёт бўлган фуқаролар, шунингдек мерос қолдирувчининг ҳаётлик 
пайтида ҳомила ҳолида бўлган ва мерос очилгандан кейин тирик туғилган 
болалари васият ва қонун бўйича меросхўр бўлишлари мумкин.
Меросни васият бўйича ворислик асосида эгаллаш.
Фуқаронинг ўзига тегишли мол-мулкни ёки бу мол-мулкка нисбатан 
ҳуқуқини вафот этган тақдирда тасарруф этиш хусусидаги хоҳиш-иродаси 
васият деб эътироф қилинади.
Фуқаролик кодексининг 1124-моддасига кўра васиятнома ёзилган жойи ва 
вақти кўрсатилган ҳолда ёзма шаклда тузилиши лозим.
Қуйидаги васиятномалар ёзма шаклда тузилган ҳисобланади:
●
нотариал тасдиқланган васиятномалар;
●
нотариал тасдиқланган васиятномаларга тенглаштирилган васият-
номалар.
Ёзма шаклдаги васиятнома васият қилувчининг ўз қўли билан имзоланиши 
лозим. Яъни, васиятноманинг ёзма равишда тузилиши ва нотариал тасдиқ-
ланиши унинг ҳақиқийлигининг қатъий шарти бўлиб, оғзаки, гувоҳлар олди да 
қилинган васият, шунингдек, ёзма тузилган, лекин нотариал тасдиқланмаган 
(нотариал тасдиқланган васиятномаларга тенглаштирилганлардан ташқари) 
васиятномалар юридик кучга эга бўлмайди.
Юқорида қайд этилганидек, мерос фуқаронинг ўлими билан очилади ва 
унинг ўлимига қадар васиятнома ворисга (васиятномага асосан мерос олувчи 
шахсга) мерос қилинган мулкка нисбатан ҳеч қандай ҳуқуқ бермайди.