Кўчмас мулк ва мулк ҳУҚУҚи амалий қўлланма

Нотариуслар томонидан уй-жойга оид шартномаларни тасдиқлаганлик 
учун давлат божи ставкалари

---

113
2 .2 .5 . ЯККА ТАРТИБДА УЙ-ЖОЙ ҚУРИШ АСОСИДА МУЛК 
ҲУҚУҚИНИНГ ВУЖУДГА КЕЛИШИ
Уй-жойни мулк ҳуқуқи асосида эгаллашнинг фуқаролик муомаласида 
битимлардан кейин энг кўп тарқалган тури уни якка тартибда уй-жой қуриш 
асосида қўлга киритишдир.
Ўзбекистон Республикаси Вазирлар Маҳкамасининг 2006 йил 30 декабрдаги 
272-сонли қарори билан тасдиқланган “Якка тартибдаги уй-жой қурилиши 
тўғрисида”ги Низомга мувофиқ якка тартибдаги уй-жой – бир ер участкасида 
жойлашган, доимий яшаш, дам олиш ва шахсий хўжаликни юритишга 
мўлжалланган ёрдамчи-хўжалик иморатлари ва ҳовлидаги иншоотлар тегишли 
бўлган бир ёки бир неча турар жой иморатидир.
Ўзбекистон Республикасининг ҳар бир фуқароси ўзининг ва оиласининг 
эҳтиёжлари учун қонун ҳужжатларига ва юқоридаги Низомга риоя қилган 
ҳолда зарур ёрдамчи-хўжалик иморатлари ва ҳовлидаги иншоотлар билан 
бирга хусусий мулк ҳуқуқи асосида уй-жой қуриш ҳуқуқига ҳам эгадир.
Якка тартибда уй-жой қуришнинг энг муҳим шарти қурилиш ишларининг 
қонун ҳужжатларида белгиланган тартибда қурилиш мақсадлари учун 
ажратилган ер участкасида амалга оширилишидир. Ажратиладиган участка 
доирасида якка тартибда уй қурувчилар учун уйнинг майдони чегараланмайди.
Шаҳарсозлик фаолияти алоҳида тартибга соладиган ҳудудларда уйнинг 
неча қават эканлиги аҳоли пунктларининг тасдиқланган бош режаларига 
мувофиқ туманлар (шаҳарлар) архитектура ва қурилиш органлари томонидан 
белгиланади ва улар билан келишилади.
Якка тартибдаги уй-жой қурилиши учун ер участкаларининг 
ажратилиши
“Якка тартибдаги уй-жой қурилиши тўғрисида”ги Низомнинг 2-бобига кўра 
якка тартибда уй-жой қуриш учун ер участкаси туманлар (шаҳарлар) ҳокимлари 
томонидан қишлоқ хўжалиги ва ўрмон хўжалиги таркибига кирмайдиган 
ерлардан белгиланган тартибда фақат Ўзбекистон Республикаси фуқароларига 
бир оилага 0,06 гектаргача мерос қилиб қолдириладиган умрбод эгалик қилиш 
учун берилади.
Якка тартибдаги уй-жой қурилиши учун 0,04 гектаргача ер участкаларига 
мерос қилиб қолдириладиган умрбод эгалик қилиш ҳуқуқи белгиланган 
тартибда кимошди савдосида сотилади.
Якка тартибда уй-жой қуриш учун ер участкаси олишга ариза туман (шаҳар) 
ҳокимлигига берилади.
Мазкур ариза туман (шаҳар) ҳокими бошчилик қиладиган, ер участкалари 
бериш (реализация қилиш) масалаларини кўриб чиқиш бўйича доимий 
ишлайдиган комиссия томонидан кўриб чиқилади.

---