Кбк: 60. 5(5Ў) 31 Санжар Юлдашев Социологик тадқиқот методологияси [матн] / С. Юлдашев. Т.: Тошкент ислом университети, 2018. 228 б. (575. 1) Кбк: 31

2. Реквизит қисми
Бу қисмда анкетанинг асосий реквизитлари келтирилади. 
Анкетанинг реквизитларига анкета сўровномасининг шартли номи, 
сўров ўтказилаётган сана, вақт ва жой киради. Социологик анкетанинг 
ушбу қисми мажбурий ҳисобланмайди. Анкета тузаётганда уларнинг 
ҳаммасини кўрсатмасдан фақат шартли номланишини кўрсатиш 
мумкин ёки умуман ҳеч нарса кўрсатмаслиги ҳам мумкин. Социологик 
анкетанинг шартли номи респондентларга анкетадаги вазиятга 
тезроқ кириш ва мослашишига ёрдам беради. Айрим ҳолларда, агар 
тадқиқотчи анкета сўрови орқали респондентлар билан қўшимча 
танишишдан манфаатдор бўлса, ўзининг ҳақиқий исм-шарифини 
кўрсатмаган ҳолда бошқа бир исм-шарифни ёзиб қўйиши ҳамда 
телефон рақами ёки интернетдаги электрон манзилини кўрсатиб 
қўйиши мумкин. Шунда тадқиқотчи билан алоҳида боғланиб, ахборот 

---

127
тақдим этмоқчи бўлган респондентлар ушбу координатлар бўйича 
тадқиқотчига чиқиши мумкин.
Мисол сифатида қуйидаги социологик анкетадан реквизит 
қисмига оид бўлак келтирилади:
«ЎЗБЕКИСТОНДА МЕДИА-ИСТЕЪМОЛИ» 
СЎРОВ АНКЕТАСИ
Сўров жойи: Ўзбекистон Миллий университети
Сўров санаси: 12.10.2017 йил.
Сўров ўтказмоқда: тадқиқотчи Юлдашев С.Р. (тел.[phone]-
46, электрон манзил: [e-mail]).
3. Ахборот қисми
Социологик анкетадаги ахборот қисми унинг энг муҳим элементи 
ҳисобланади. Ушбу қисмда респондентга бериладиган барча саволлар 
ва жавоб вариантлари кўрсатилади. Ахборот қисми анкетада кириш 
қисми, яъни респондентга йўналтирилган илтимос шаклидаги 
мурожаатдан кейин жойлаштирилади. Саволлар респондентнинг она 
тилида (ўзбек, рус, қорақалпоқ) улар томонидан ўқиш мумкин бўлган 
шрифт, интервал ва ўлчовда чоп этилади. 
Мисол сифатида қуйидаги социологик анкета ахборот қисмининг 
бир бўлаги келтирилади: