Казус 2021 йил июль ойининг 20 куни фуқаролик ишлари бўйича Тошкент шаҳар Шайхонтохур туманлараро суди ўз биносида, очиқ суд мажлисида, раислик этувчи, судья: А. А. А., судья ёрдамчиси Ш. Ш. Ш. нинг котиблигида, прокурор Д

Appelyatsiya shikoyati berish muddatini tiklash asoslari. Fuqarolik protsessual kodeksining 385¹-moddasiga ko‘ra apellatsiya shikoyati hal qiluv qarori qabul qilingan kundan e’tiboran bir oy ichida berilishi mumkin. Appelyatsiya tartibidagi shikoyat belgilangan muddat o’tganidan keyin berilgan bo‘lsa apellatsiya shikoyatini bergan shaxsga qaytariladi. O‘tkazib yuborilgan muddat, agar muddatni o‘tkazib yuborish sabablari sud tomonidan uzrli deb topilgan bo‘lsa, shikoyat berayotgan shaxsning iltimosnomasiga ko‘ra birinchi instansiya sudining ajrimiga binoan tiklanishi mumkin. O‘zbekiston Respublikasi Oliy sudi Plenumining 2021-yil 20-apreldagi 14-sonli “Sudlar tomonidan fuqarolik ishlarini apellatsiya tartibida ko‘rish amaliyoti to‘g‘risida”gi qaroriga 6-7-bandiga ko‘ra apellatsiya shikoyati berish muddatini tiklash to‘g‘risidagi iltimosnoma ham birinchi instansiya sudiga beriladi va FPK 155-moddasi qoidalari bo‘yicha ko‘rib chiqiladi. Apellatsiya shikoyati berish muddatini tiklash yoxud rad qilish haqida sud ajrim chiqaradi. Apellatsiya shikoyati berish muddati tiklanganda, sud hal qiluv qarori ijrosini to‘xtatish masalasini hal qiladi, darhol ijro etilishi lozim bo‘lgan hal qiluv qarori bundan mustasno. O‘tkazib yuborilgan muddatni tiklashni rad etish to‘g‘risidagi ajrim ustidan FPK 155-moddasi oltinchi qismiga ko‘ra, xususiy shikoyat berilishi mumkin. Sudning o‘tkazib yuborilgan muddatni tiklashni rad etish to‘g‘risidagi ajrimi ustidan shikoyat berilganda, apellatsiya instansiyasi sudi shikoyatni asosli deb topsa, birinchi instansiya sudi ajrimini bekor qilib, o‘tkazib yuborilgan muddatni tiklaydi va shikoyat FPK 386-moddasi talabiga muvofiqligini tekshirish hamda FPK 389-moddasida ko‘rsatilgan harakatlarni bajarish uchun ishni birinchi instansiya sudiga yuboradi. FPK 155 va 396-moddalari mazmuniga ko‘ra, ish bo‘yicha biror-bir shaxs iltimosnomasi bo‘yicha apellatsiya shikoyati berish muddati sud tomonidan uzrli deb topilgan sabablarga asosan tiklanganda, ish bo‘yicha boshqa shaxslar tomonidan o‘tkazib yuborilgan muddatni, o‘tkazib yuborilishi sabablaridan qat’iy nazar, tiklash to‘g‘risidagi masalani, qo‘shimcha ravishda ko‘rib chiqish talab etilmaydi. Bunday shaxslarning apellatsiya shikoyati FPK 386, 387-moddalari talablariga rioya etgan holda apellatsiya muhokamasi boshlanguniga qadar berilishi va umumiy asoslarda ko‘rib chiqilishi lozim.