Касимова Гуляр Ахматовна

 
 
 
 
 
 
 
 
 
 
 
 
 
 
 
 
 
 
 
 
 
 

---

209 
ХУЛОСА 
Ўзбекистон Республикасида пенсия таъминоти маблағларини самарали 
бошқариш ва пенсия тизими харажатларини молиялаштиришни назорат 
қилиш масалалари ўрганилди ҳамда тадқиқотлар натижасида қуйидаги
хулосалар берилди.
1.
Ўзбекистонда иқтисодиётни модернизациялаш талаби кучли ижтимоий 
сиёсатни амалга оширишда янгича амалий ва самарали шаклларни 
қўллашни талаб этади. Пенсия тизими фаолиятини йўлга қўйиш ва ундан 
самарали фойдаланиш мамлакатларда ижтимоий муаммоларни ҳал қилиш 
ва кекса кишиларни ҳимоялашда муҳим ўрин эгаллайди. Пенсия тизими 
аҳолининг ижтимоий эҳтиёжларини таъминлаш ва конституцион 
ҳуқуқларини амалга ошириш учун йўналтирилган пул маблағлари 
жамғармасидан фойдаланишга асосланади. 
2.
Мамлакатимизда пенсия тизимига ижтимоий сиёсатнинг устувор 
йўналишларидан бири сифатида қаралади..Ўзбекистонда пенсия
таъминоти аҳолини ижтимоий ҳимоялаш тизимининг муҳим таркибий 
қисмларидан бири ҳисобланади. Пенсия таъминоти деярли барча
фуқароларнинг ҳаётий манфаатлари билан боғлиқ, фуқаролар меҳнат
қобилиятини йўқотганларида шу тизим орқали ижтимоий ҳимоя 
қилинади.
3.
Ўзбекистон жаҳонда аҳолиси сони барқарор суръатларда ўсиб бораётган 
мамлакатлар қаторига киради. Республикада аҳолининг ёш таркибида 
ёшлар катта салмоққа эга бўлишига қарамасдан кексаларнинг салмоғи 
барқарор даражада сақланиб қолмоқда. Мустақиллик йилларида 
аҳолининг ўртача умр кўриш даражаси тобора яхшиланиб, ўсиш 
тенденциясига эга бўлмоқда. Ушбу ҳолатлар ўз навбатида, ижтимоий 
суғурта масалаларига нисбатан жиддий эътибор беришни тақозо этиб, 
жумладан, пенсия тизимига оид масалалар алоҳида ижтимоий-иқтисодий 
аҳамият касб этмоқда.

---

210