Kasbiy psixologiya fanining predmeti

Xarakter xislati - ijtimoiy muhit ta'sirida tarkib topgan shaxsning xatti- harakatlarida muntazam uchraydigan doimiy xususiyat va sifatlar yig‘indisi.

Xarakterning ijobiy xislatlari- shaxsning jamiyat axloq normalari doirasidagi doimiy ijobiy xususiyatlari.

Hasadgo‟ylik - o‘zga shaxslarning mavqei, qobiliyati, iste‘dodi, faoliyatidagi yutuqlari, mulki kabilarga nisbatan g‘arazgo‘ylik munosabatida ifodalanadigan salbiy xarakter xislat.

Shaxsiy tajriba - har bir individning yoki shaxsning turmush jarayonida hosil qilgan tajribasi.

Shuhratparastlik - arzon obro‘-e‘tibor qozonishga jon jahdi bilan intilishdan iborat juda past xarakter xislati.

Egoizm - o‘z shaxsiy manfaatlarini jamiyat, jamoa manfaatlaridan yuqori qo‘yishga kuchli intilishda ifodalanadigan salbiy xarakter xislati.

Qat‟iylik - xarakterning o‘z vaqtida asosli va qat‘iy qarorlar qabul qila olish va ularni ikkilanmasdan ijro etishga kirishishdan iborat irodaviy xislati.

Qiziqish - shaxsning muayyan narsa va hodisaga ega bo‘lishga, bilishga faol va barqaror yo‘nalishidan iborat individual xislati yoki faoliyat motivi.

Qobiliyat - shaxsning muayyan faoliyat turini muvaffaqiyatli bajarishga bo‘lgan layoqat darajasini ifodalaydigan, turmush jarayonida hosil qilingan individual xususiyatlari yig‘indisi.