Kasbiy psixologiya fanining predmeti

Muhandislik psixologiyasi - psixologiyaning texnika moslamalari bilan uni boshqaruvchi kishilar o‘rtasidagi o‘zaro bog‘lanish hamda o‘zaro ta‘sirini tekshirish bilan shug‘ullanuvchi maxsus sohasi.

Odamovilik - odamlarga qo‘shilmay, ko‘pchilikni yog‘tirmay, yakka holda yashashni afzal ko‘rishdan iborat salbiy xarakter xislati.

Osoyishta tip - nerv tizimining qo‘zg‘alish va tormozlanish jarayonlari teng hamda o‘rtacha kuchga ega bo‘lgan tipi.

Passivlik - atrofdagi narsa va hodisalarga, kishilarga nisbatan befarq munosabatda bo‘lishdan va jismoniy yoki psixik faoliyatsizlikdan iborat holat.

Prinsipiallik - haqqoniylik va jamiyat manfaatlari nuqtai nazaridan o‘z qarash hamda e‘tiqodlarini qat‘iy turib himoya qilishdan yoki so‘z bilan ishning birligidan iborat ijobiy xarakter xislati.