Kasbi bo’yicha O’quv dasturlari to’plami

Fanning o`quv rejasidagi boshqa fanlar bilan o`zaro bo`g`likligi,
uslubiy jihatidan uzviyligi va ketma ketligi
Bichish- tikishga o’rgatish metodikasi fani pedagogika, psixologiya, rasm, tikuvchilik buyumlarini loyihalash va badiiy bezash, tikuvchilik gazlamashunosligi, tikuvchilik texnologiyasi va jihozlari, dazlamaga badiiy ishlov berish, kashtachilik kabi mutaxassislik fanlariga, “Tikuvchilik texnologiyasi” o`quv amaliyotiga bog`lab o`qitiladi. Shu fanlardan olgan bilimlari, ko`nikma va malakalari asosida mashg`ulotga tayyorlanish, ishlanmalar yozish, ko`rgazma tayyorlash o`rgatiladi. Bichish-tikishga o`rgatish metodikasi fani uchun ajratilgan soat o`quv rejasidan olingan bo`lib, jami 40 soat, shundan 16 soat nazariy, 22 soat amaliy 2 soat seminar darslarini tashkil etadi.
Fanni o`rganish natijasida o`quvchilar quyidagi ko`nikmalarga ega bo`lishlari kerak:
- bichish-tikishni o`rgatish to`garagi rejasini tuza olishi;
- bichish-tikish to`garagini tashkil eta olishi;
- tikuvchilik materiallari bilan ishlay olishi va mashg`ulot uchun ko`rgazma tayyorlay olishi;
- mashinalarni ishlatish va mayda ta`mirlay olishi;
- ayollar va bolalar kiyimlarida qo’llaniladigan ish turlarini bajara olishi, ular yordamida mayday detallarga ishlov bera olishlari va to`garak a`zolariga o`rgata olishi;
- Chaqaloq bolalar kiyimlari to’plami, ayollar va bolalar tungi ko`ylagi, xalati, belli kiyimlarni, milliy kiyimlarni tikishni bilishi va to`garak a`zolariga o`rgata olishi;
- kiyimlarni ta`mirlay olishi va shu mavzuni o`quvchilarga yetkaza olish usullarini izlay olishi.
Fanni o`rganish natijasida o`quvchilar quyidagi bilimlarga
ega bo`lishlari kerak.
-‘’Barkamol avlod” bolalar markazlari to`g`risidagi Nizomni har bir bandini yashi bilishi;
- tikuvchilik buyumlari, turlari va ularga qo`yiladigan talablar haqida ma`lumotlarni bilishi;
- gazlamalarning tolaviy tarkibini va xususiyatlarini tikish texnologiyasida hisobga olish, o`ngi, teskarisi, bo`yi, arqon ip yo`nalishlarini aniqlashni o`rgatish usullari, yo`llari haqida bilishi;
- qo`l ishlari uchun ish o`rnini tashkil etish va ularni bajarishni o`rgatish metodikasini bilishi;
- mashinada bajariladigan ish uchun ish o`rnini tashkil etish va mashinada ish tikishni o`rgatish qoidalarini;
- ayollar va bolalar kiyimlarida loyihalash, badiiy bezashni o`rgatish metodikasini;
- ayollar va bolalar belli kiyimlarini bosqichma-bosqich tikishni o`rgatish metodikasini;
- bluzka, ovro`pacha ko`ylak, xalat, raglan, yaxlit yengli ko`ylak, milliy ko`ylak, lozim, murakkab fasonli ayollar va bolalar ko`ylaklarini tayyorlashni o`rgatish metodikasini;
- tikuvchilik buyumlarini ta`mirlay olishni o`ragatish metodikasini bilishi;