Kasbi bo’yicha O’quv dasturlari to’plami

O`quv amaliyotini o`tkazishda zamonaviy axborot va pedagogik texnologiyalardan foydalanish bo`yicha tavsiyalar.
Ta’lim O`zbekiston xalqi ma’naviyatiga yaratuvchilik faolligini baxsh etadi. O`sib kelayotgan avlodlarning barcha eng yaxshi imkoniyatlari unda namoyon bo`ladi, kasb-kori, mahorati uzluksiz takomillashadi. Ilm-fan, texnika taraqqiyotining juda tez rivojlanishi natijasida axborotlarning keskin ko`payib borayotganligi, ulardan ta’lim - tarbiya jarayonida foydalanish uchun vaqtning chegaralanganligi ta’lim jarayoniga texnologik yondashish zaruratini keltirib chiqarmoqda. Mana shularni hisobga olgan holda tikuvchilik malakalarini takomillashtirish amaliyotini o`tkazishda, tikuvchi kasbining sirlarini o`rgatishda hozirgi zamon texnologiyalaridan keng foydalanish imkoniyatlarini qidirish kerak. Amaliyot o`tkazishda axborot texnologiyalari haqida ma’lumotga ega bo`lishlari, buyum tayyorlashda uning zamonaviyligi, ishlov berish texnologiyasini, tikuv mashinasini to`g`ri tanlash, ketma-ketlik jarayonini to`g`ri tuza olishlarini o`rgatish nazarda tutiladi.
-Tikuvchilik malakalarini takomillashtirishda albatta zamonaviv tikuv mashinalari, kerakli jihozlar, moslamalar, ko`rgazmali qurollar bo`lishi kerak.
-Tikuvchilik malakalarini takomillashtirishdan amaliy ish bajarishda albatta turli xildagi ko`rgazmalardan foydalanish, internet tarmog`idan olingan manbalarga asoslanish, o`quv va ishlab chiqarish amaliyot bilan o`zaro uzviy bog`langan holda olib borilishi lozim.
-O`quv amaliyoti jarayonida texnik vositalaridan- slaydlar, multimediya va boshqa kompyuter dasturlaridan foydalanishi, o`qituvchi ham, o`quvchi ham faol bo`lishi kerak.
-O`qituvchi tomonidan berilayotgan yo`llanmalar o`quvchilarni ijodiy ishlashga, fikrini to`liq bayon etishga qaratilib, kasbiy bilim, konikma va malakalarini, tashabbuskorlik faoliyatlarini rivojlantirish omili bo`lishi kerak.
-O`quv amaliyoti jarayonida o`qituvchi o`quvchini qiziqtira olish, ichki hissiyotini oshirishi, material hajmini oshirib borishi, mustaqil ishlash mazmunini va o`quv jarayonini sifat samaradorligini oshirish, o`quvchi ishtirokining mas`uliyatini oshirib borishi, kasbiy bilimlarni chuqur egallashlariga yordam berishi kerak.
- O`quv amaliyoti jarayonida berilayotgan axborotlar o`quvchilar tomonidan qanday qabul qilinayotgani albatta bilim samaradorligi yuqori bo`layotganligiga ishonch hosil qilishi kerak.