Kasb-hunar kollejlari uchun o‘quv qo‘llanma

PD-10M  dvigatelida  magneto  quyidagicha  o‘rnatiladi: birinchi  silindrning
svechasi  burab  chiqariladi;  tirsakli  val  aylantirilib,  porshen  yuqorigi  ko‘chmas
nuqtaga qo‘yiladi, shunda ikkala klapan berk bo‘lishi lozim; tirsakli val teskari
tomonga  aylantirilib,  porshen  yuqorigi  qo‘zgalmas  nuqtadan  5,8  mm past
tushiriladi.  Bu  yondirishning    27°  ilgarilanishiga  to‘g‘ri  keladi.  O‘zgich  valigi
o‘zining kontaktlari ajrala boshlaydigan holatga burab qo‘yiladi, shunda mush-
tumchadagi  belgi  o‘zgichning  korpusidagi  milga  ro‘para  keladi;  ilgarilash  av-

---

57
tomatining  povodogidagi  chiqiqlar  harakatlantirish  shesternyasining  chuqur-
chasiga kirgiziladi va magneto mahkamlanadi.
Svechalar  vaqti-vaqti  bilan  qurumdan  tozalanadi  va  elektrodlarining
o‘rtasidagi tirqish (0,5—0,7 mm ga teng bo‘lishi kerak) tekshiriladi. 
PD-10  dvigateli  dizelning  tirsakli  vali  minutiga  300—320  aylanganda  o‘z-
o‘zidan ajralishi lozim. Agar PD-10 dvigateli barvaqt ajralayotgan bo‘lsa, buni
sozlash  uchun  DT75M  traktori  asosiy  tishlashish  muftasining  karteri  olinadi.
Yukcha  prujinalarining  vintlari  yarim  aylanaga  buraladi;  kech  ajralganda  esa
vintlar yarim aylanaga burab bo‘shatiladi. Yurgizib yuborish dvigatelini ishlatib,
tirsakli  valning  aylanish  tezligi  tekshiriladi.  Agar  u  4000—4200  aylanalarda
ajralib, dizel ishlab ketsa, qo‘shish mexanizmi to‘g‘ri sozlangan bo‘ladi.
PD-10 dvigatelida qo‘shish mexanizmini sozlash uchun tishlashish muftasi
koju xining  yuqorigi  yarmi  olinadi;  tishlashish  muftasi  zashchelkasidagi
ko‘ndalang  prujinaning  tarangligini  o‘zgartirib  qo‘shish  mexanizmi  ajraladigan
aylanishlar soni sozlanadi. Vint bir aylanaga buralganda minutiga aylanish soni
100—150  ga  o‘zgaradi;  vintlar  burab  bo‘shatilganda  aylanish  soni  kamayadi,
burab kirgizilganda esa oshadi.