Kasb-hunar kolleji

Milliy valyuta tizimi - bir mamlakatda valyutaning amal qilishi bilan bog’liq bo’lgan iqtisodiy va qonuniy munosabatlar yig’indisi.
Milliy daromad - mamlakat iqtisodiy va ijtimoiy rivojlanishini belgilab beruvchi umumlashgan muhim ko’rsatkich. Yalpi ichki mahsulotning bir qismidan iborat. Yalpi ichki mahsulot qiymatidan ishlab chiqarish harajatlarining chegirib tashlangan qismi. Mamlakatda yil davomida vujudga kelgan barcha daromadlar yig’indisi.
Miskol – og’irlik o’lchovi. Sharq mamlakatlarida qimmatbaho buyumlarning og’irligi miskol bilan o’lchangan. Bir miskol Afg’onistonda - 4,6 g; Jazoirda – 4,27 g; Misr va Sudanda – 4,08 g; Turkiyada - 4,81 g; Xorazmda – 4,55 g; Buxoroda – 4,8-5 g.ga teng bo’lgan. Amir Temur davrida bir miskol 4,8 g. vaznda oltin tangaga teng bo’lgan. Bu og’irlik o’lchovi Yaqin Sharqda hozir ham ishlatiladi.
Moliyaviy hisob – o’zida shunday ma’lumotlarni mujassam etadiki, ushbu ma’lumotlardan nafaqat bank (firma, korxona) faoliyatiga ichki rahbarlik qilishda foydalaniladi, balki chetdan foydalanuvchilarga ham tegishli ma’lumotlar ma’lum qilinadi.
Moliyaviy natija - banklarda ma’lum hisobot davrida, ma’lum bir operasiya jarayonida o’ziga qarashli mablag’ning oshishi yoki kamayishi tushuniladi.
Moliyaning funksiyasi - bu moliya mohiyatining xo’jalik faoliyatidagi aniq ko’rinishi, uning ifodasidir.
Monometalizm - bu pul tizimida mustaqil unsur bo’lib, bunda bitta metalga barcha tovarlar qiymatini o’zida aks ettiruvchi umumiy ekvivalent roli beriladi.
Moliya bozori - bu jamiyatdagi moliyaviy xizmatlar ko’rsatish, xususan, kreditlar berishdan iborat bo’lgan munosabatlardir. Moliya bozori banklarda, fond birjasida va auksionlarda o’tkaziladi.
Moliyaviy lizing - ijaraga oluvchi shaxsning ijarag olingan asbob-uskunalarni ishlatishdan ko’rilgan foyda ulushini hamda amortizasiyaning to’la qiymatiga teng summani lizing kompaniyasiga shartnomaning amal qilish davri mobaynida to’lanishini ko’zda tutuvchi ijara shartnomasi. Bunda ijaraga oluvchi shaxs shartnomaning amal qilish muddati tugagandan keyin asbob-uskunalarni qoldiq qiymati bo’yicha sotib olish huquqini qo’lga kiritadi.
Monitoring - qandaydir obekt holatini har tomonlama baholash va uning faoliyati samaradorligini oshirish maqsadida maxsus tashkil qilingan tizimli kuzatuv.
MoNetar siyosat - bu davlat siyosati bo’lib, davlat iqtisodiyotini amaldagi pul massasini tartibga solish yo’li bilan rivojlantirish va barqarorlashtirishdir.