Kasb-hunar kolleji

Nomoddiy aktivlar - korxonaning uzoq muddatli harajatlari bo’lib, u uzoq muddat davomida yuqori daromad olish uchun sharoit yaratadi. Nomoddiy aktivlar tarkibiga er, suv va boshqa tabiat resurslaridan foydalanish huquqi, patentlar, nou-xau, firma bahosi, elektron hisoblash mashinalari va boshqalar kiradi.
Nolikvid aktivlar - korxonada keragidan ortiqcha yoki korxonaga zarur bo’lmagan xom-ashyo aktivlari, shuningdek, qiyin sotiladigan tayyor mahsulotlar.
Nomli aksiya - aksiyador egasining nomi yoziladigan qimmatli qog’ozdir.
Nomulkiy huquq - bu masalan, aksionerlik jamiyatining umumiy yig’ilishida ovoz berish, emitentning faoliyati haqida axborot berilishini talab qilish va h.q. huquqidir.
Normal kredit – qarzdorning moliyaviy ahvoli barqaror, rentabellik darajasi yuqori, debitor qarzlari qisqa muddatlarda undiriladi, garovga qo’yilgan mulki tez sotilishi mumkin. Mijozning moliyaviy holati kredit foizlarini to’lash uchun etarli. Mazkur kreditlar bo’yicha bankning zarar ko’rish ehtimoli juda past darajada bo’ladi.
«Nostro» hisobvarag’i - bankning o’z vakil bankidagi hisobraqami. Unda bankning hamma harajat va tushumlari aks ettiriladi.
Norezidentlar - chet el davlatlarida ro’yxatdan o’tib boshqa joyda yashayotgan, masalan, O’zbekiston Respublikasida yashayotgan jismoniy va yuridik shaxslar.
Norezident bank – horijiy davlatlar hududida ro’yxatga olingan bank.
O
Obligasiya - 1. bu lotincha «obligation» so’zidan olingan bo’lib, u majburiyat degan ma’noni anglatadi; 2. bu uning egasi qarz berganligidan guvohlik beruvchi va unga ushbu qimmatli qog’ozning nominal qiymatini unda ko’rsatilgan muddatda belgilangan foiz to’langan holda qoplash majburiyatini tasdiqlovchi qimmatli qog’oz; 3. bu emitentning qarz majburiyati qat’iy foiz stavkasi shaklida belgilangan qimmatli qog’ozning bir turidir.
Oddiy aksiya – bunda aksiya egasi hissadorlar yig’ilishida ovozga ega bo’lgan va faoliyati natijasi bo’yicha dividendlarni olish huquqiga ega bo’ladi.