Касалликлари ва зараркунандаларига қарши

Ривожланаётган ўсимликлар учун эса Эпиннинг пуркалиши қуйидагича амалга оширилади:

Эритма тайёрлаш учун 1 мл Эпин 5 литр сувда яхшилаб эритилади. Пуркаш бир текис ва барча барглар хўлланган холда амалга оширилади. Ишчи эритмани тайёрланган куниёқ ишлатиш керак. Ўсимликларга ишлов бериш қуйидаги фазаларда амалга оширилади:

• 
  Картошка, помидор – бутонизация ва гуллаш даврида.
  
• 
  Илдизмевалар – униб чиққанда.
  
• 
  Бодринг – 2-3 хақиқий барг пайдо бўлганда ва бутонизация даврида.
  
• 
  Қалампир – бутонизация бошланиш даврида ва гуллаганда.
  
• 
  Лолалар – бутонлар пайдо бўлганда.
  
• 
  Мевали дарахтлар – бутонизация даврида ва ундан 20 кун кейин (5 литр сувда 1 мл ЭПИН эритилади ва ишчи эритма ёш дарахтларга 2-5 литр хамда катта дарахтларга 5-8 литр сарф қилинади).
  

Агар ўсимликлар ёруғлик етмаган шароитларда, совуқ хароратда, касалликка чалинган холда ўсаётган бўлсалар, у холда ўсимлик тўла соғайиб кетмагунча препарат хар 7-10 кунда пуркаб турилади.
КОМАНДОР ёки ИСКРА ЗОЛОТАЯ – зараркунанда хашоратларга қарши курашиш учун мўлжалланган кимёвий воситалар (бир хил кимёвий препарат икки хил номда ишлаб чиқарилади).
Ишлатилиши: Ушбу препарат Колорадо қўнғизини ва унинг личинкаларини, трипслар ва оқ қанотларни йўқотиш учун мўлжалланилган янги ва юқори самарали воситадир. Препарат системавий ва контакт таъсир қилиш хусусиятига эга бўлиб, баргларнинг юқори қисмидаги хужайраларига кириб, зараркунандаларга қарши узок муддат давомида таъсир қиладилар. Ўз хоссаларига кўра Командор ва Искра золотая ёмғирда ювилиб кетмайди ва иссиқ вақтларда жуда самарали таъсир қилади. Бу препаратлар ишлатишда жуда тежамли ва уларни узоқ муддат сақлаш мумкин.
Ишчи эритмани тайёрлаш: Пақирга 1-2 литр тоза сув қуйинг ва сўнгра Командор ёки Искра золотая флаконини очиб, ундан керакли миқдорини ўлчов стаканига қуйиб олинг. Сўнгра уни пақирга солиб, сув билан яхшилаб аралаштиринг. Сўнгра пақирдаги сувни 5 литрга етказинг ва яна аралаштириб, пуркагичга солинг ва ўсимликларга пурканг.