Kаrtоn qirqish vа muqоvа yasаsh uskunаlаri

Kаrtоn qirqish vа muqоvа yasаsh uskunаlаri

Bu uskunlarning asosiy vazifasi muyqovalar uchun yarimmahsulotlarni tayyorlashdan iborat. Karton qirqish uskunalarida muqova tavaqlari tayyorlanadi, bobina qirqish uskunalarida rulonli qog’oz va mato kerakli enlikdagi tasmalarga kesiladi va bobinalarga o’raladi. Bobina qirqish uskunalarida muqovabop mato bo’laklarini yelimlash va rulonga o’rash mumkin.

Bu uskunalar universal bo’lib, nafaqat matbaada, balki sanoatning boshqa sohalarida ham qo’llaniladi. Ularda fotoqog’oz, selluloza, turli texnik plyonkalar, parafinlangan qog’oz va boshqa materiallarga ishlov berish mumkin.

Matbaa sanoatida kartondan yarimmahsulotlar tayyorlash uchun faska qirquvchi va universal qirqish dastgohlaridan foydalaniladi. Faska qirquvchi dastgohlarda qolip karton tavqalaridagi faskalar qirqiladi, universal qirqish dastgohlarida esa burchaklarini qirqish va shlislarni yoyish amalga oshiriladi.

Faska qirquvchi dastgohda faskani qirqish burchagi 20-70⁰ chegarada bo’lishi mumkin. Faskalar uzluksiz aylanuvchi diskli pichoqlar bilan qirqiladi. Dastgoh pichoqni charxlash qurilmasi bilan jihozlangan. Karton tavaqalar qo’lda kiritiladi. Unumdorlik ishchining tajribasiga bog’liq bo’lib, bitta smenada o’rtacha 3000 tavaqani tshkil qiladigan (faskalar uning tomonidan qirqimda) ishlov beradigan kartonning qalinlig 2-6mm.

Universal qirqish dastgohi turli o’lcham va konfigurasiyali yarimmahsulotlarga ishlov berish uchun oson sozlanishi mumkin. Kartonning zichligiga bog’liq holda uning taxlamining balandligi 4-15 sm chegarada bo’lishi mumkin. Uskunada xavfsiz ishlashni ta’minlovchi himoya qurilmalari mavjud.