Kartografiya va geovizuallashtirish

O‘zaro  bog‘liqliklarni  ko‘rsatuvchi  kartalarda  voqea  va  hodisalarning 
ikkita  yoki  undan  ko‗p  bo‗lgan  ma‘lumotlarining  bog‗liqligi  ko‗rsatib  beriladi. 
Masalan,  aholi,  qishloq  xo‗jaligi  ekinlarini  joylashtirishda  aholining  ishga 
yaroqliligi,  tajribasi,  suv  bilan  bog‗liqlik  asosiy  ko‗rsatkich  bo‗lib  ko‗rinadi. 
Bunday kartalardan ko‗proq ilmiy tadqiqot ishlarida foydalaniladi. Rayonlashtirish 
kartalarida bu soha keng qo‗llaniladi. 
Inventarizatsiya  kartalarida  tabiat  va  jamiyatdagi  voqea  va  hodisalar 
hisobga  olinib,  ularning holati,  o‗rni  ko‗rsatiladi.    Bunday  kartalar  maxsus  qabul 
qilingan  tasnif  asosida  yaratiladi.  Bunday  kartalar  asosan  analitik  kartalar  bo‗lib, 
mazmuni  birmuncha  soddaroq.  Masalan,  qazilma  boyliklarning  joylashgan  o‗rni, 
dorivor  o‗simliklar  tarqalgan  joylar,  ishga  yaroqli  aholi  sonini  ko‗rsatuvchi 
kartalar, sug‗oriladigan erlar kartalari va h.k.