Kartashunoslik

3. Voqea-hodisalarni kartada belgilar usulida tasvirlashning ahamiyati 
 
Bu usulda kartalardagi hamma voqea va hodisalar belgilar bilan ko‘rsatiladi. 
Topografik  va  obzor  topografik  kartalarda  esa  bu  belgilar  faqat  sifatni  anglatadi, 
ammo  miqdor  ko‘rsatkichlarini  ifodalamaydi.  Chunonchi,  topografik  kartada  un 
zavodining binosigina shartli belgi bilan ifodalangan xolos. Mavzuli kartalarda esa 
zavodning  o‘rnigina  emas,  uni  ishlab  chiqaradigan  mahsulotini  salmog‘i  (tonna 
yoki  pul  hisobida),  undagi  ishchilar  soni,  mahsulotini  qaerlarga  yuborilishi  ham 
ko‘rsatilishi  mumkin.  Ta‘kidlaganimizdek,  mayda  masshtabli  mavzuli  kartalarda 
ishlatiladigan  belgilar  topografik  kartalardagi  belgilardan  shakli,  mazmuni 
jihatidan farq qiladi. 
 
Belgilar  usulida  voqea  va  hodisalarning  geografik  o‘rni,  miqdori  va  sifati 
ko‘rsatilib, ular geometrik, badiiy, harfli va ko‘rgazmali bo‘ladi.