Kartashunoslik

 
Harfli  belgilar 
–  bu  tasvirlanayotgan  obyekt  yoki  hodisa  nomini  bitta  yoki 
ikkita boshlang‘ich harflaridir (1-rasm, b). Masalan, temir va fosfor rudalari uchun 
Fe va P. Harfli belgilarni qo‘llash nisbatan chegaralangan, chunki ular obyektlarni 
aniq  joylashgan  o‘rnini  ko‘rsatmaydi,  kartani  har  xil  harflar  bilan  to‘ldirib 
tashlaydi,  o‘lchami  bo‘yicha  yomon  taqqoslanadi.  Agar  harflar  birorta  geometrik 
figurani, masalan, kvadratni ichiga olib yozilgan bo‘lsa, ularni o‘lchami bo‘yicha 
bir-biriga  taqqoslash  va  joylashtirish  ancha  yengil  bo‘ladi,  bunday  holda  ikkala 
tipdagi belgilarni yaxshi tomonlari uyg‘unlashadi.  
Kartada tasvirlanmoqchi bo‘lgan voqea va hodisalarning nomlarini bosh harf-
lari yoki kimyoviy belgilari bilan ifodalanadi; Foydali qazilmalardan alyuminiy Al, 
oltin  Au,  kaliy  K  deb  yoziladi.  Lekin  harfli  belgilarni  ko‘p  ishlatib  bo‘lmaydi, 
chunki  harflar  yordamida  faqat  obyektlarning  o‘rni  aniqlansa  ham,  ularning 
miqdorini aniqlab bo‘lmaydi. Miqdorini aniqlash uchun doiraga tushirib tasvirlash 
mumkin. Bu usul ko‘proq qazilma boyliklar kartalarida foydalaniladi.