Karimov g’ulomsobir 4-topshiriq

KARIMOV G’ULOMSOBIR

4-topshiriq.

1. 
   Iqtisodiy operatsiyalarni aniqlash va ularni guruhlash MHTda hisob birligini aniqlash jarayonidan iborat. Operatsiyalar – milliy hisoblar va iqtisodiy faoliyatni hisobiga oluvchi jarayondir. Iqtisodiy operatsiyalar amalga oshirilishiga qarab bir tomonlama (transfert) va ikki tomonlama (transaktsiya) bo‘ladi. Ikki tomonlama operatsiyalarga misol qilib deyarli barcha mahsulot yetkazish va xizmat ko‘rsatish operatsiyalarini keltirish mumkin.
   

Iqtisodiy operatsiyalar quyidagi guruhlarga bo‘linadi:

a) tovar va xizmatlar bilan operatsiyalar;

b) taqsimlash operatsiyalari;

c) moliyaviy operatsiyalar.

Tovar va xizmatlar operatsiyasi tarmoq hamda sektorlarda tovar va xizmatlar ishlab chiqarish, ularni ayirboshlash, iste’mol qilish jarayonlarini o‘z ichiga oladi. Taqsimlash operatsiyalari daromad va mulkni taqsimlash, qayta taqsimlash jarayoniga taalluqlidir. Moliyaviy operatsiyalar iqtisodiyotning turli sektorlarida moliyaviy aktivlar, passivlar va fondlar o‘zgarishini tavsiflaydi. Transfertlar bir tomonlama operatsiya bo‘lib, unda bir institutsional birlik tovar, xizmatlar yoki aktivni boshqa institutsional birlikka berib, uning evaziga hech qanday ekvivalent (tovar, xizmat va aktiv) olmaydi.