Karimjon rahimqulov bori nigmonov

To‘pni bir qo‘llab pastdan uzatish.
To‘pning uchish yo‘na-
lishini aniqlab, o‘yinchi tez siljiydi va to‘pni qarshi olish uchun 
oldinga tashlanadi. Shu bilan bir vaqtning o‘zida to‘pning tagiga 
qo‘yiladigan zarba beruvchi qo‘lni siltaydi. Gavda esa yaqinlashib 
kelayotgan to‘p tomon egiladi. Agarda to‘p o‘yinchidan boshqa to-
monga uchayotgan bo‘lsa, unda o‘yinchi shu tomonga tashlanadi. 
Zarba berish harakati qo‘lning qarshi harakati hisobiga bajariladi. 
To‘pga pastdan panja yoki taranglashgan qo‘l mushti bilan zarba 
beriladi. 
Yuqorida aytilgan to‘pni qabul qilish usullaridan tashqari, quyi-
dagi boshqa turlari qo‘llaniladi: yonboshga hamda orqaga duma-
lash bilan to‘pni pastdan uzatish; ko‘krakda sirg‘alish va qo‘lga 
dumalash bilan to‘pni pastdan uzatish; orqaga dumalash va yiqilish 
bilan tepadan uzatish:
O‘YIN TAKTIKASI
Voleybol o‘yini davomida turli-tuman taktik harakatlar va kom-
binatsiyalar bajariladi. Voleybolchilar taktik vazifani hal etish uchun 
yakkama-yakka, guruhli va jamoaviy taktik harakatlar qo‘llaydilar. 
O‘yin taktikasi hujum va himoya taktikalariga bo‘linadi.