Kamerali qarshilik pechining ish rejimlarini

1. Nazariy qism
Kamera pechlari bilan bir qatorda shaxta elektr pechlari ham oʻzlarini soni jihatidan davriy ishlovchi umumsanoat elektr pechlarining asosiy qismini tashkil qiladi. Shaxta pechlari dumaloq, kvadrat yoki toʻrtburchak shaxta shakliga ega boʻlib, ustki qismidan qopqoq bilan bekitiladi (2.1-rasm).

2.1– rasm. Shaxtali elektr pech:

Shaxta pechi konstruksiyasining asosiy elementlari pech kamerasi, qizdirish elementlari, pech tagi va tagligini koʻtarish mexanizmidan iboratdir. Tuzilishi va ekspluatatsiya qilish boʻyicha eng sodda mufelsiz pechlar hisoblanadi. Ular listli va profil poʻlatdan qilingan vertikal boʻlib, uning ichida issiqlikdan izolyasiyalovchi futerovka va qizdirish elementlari joylashtiriladi. Ushbu turdagi va ishchi fazosi oʻlchamlari katta boʻlmagan (diametri tahminan 600 dan 1000 mm gacha) pechlar sanoatning turli sohalarida har xil mahsulotlar va detallarga termik ishlov berish uchun qoʻllaniladi.

Kamera pechlariga nisbatan shaxta pechlari quyidagi afzalliklarga ega:
1) Kran-balka, telfer va boshqa universal koʻtarish mexanizmlarini qoʻllash orqali mahsulotlarni qoʻyish va olishni mexanizatsiyalashtirish imkoni;
2) Kamera foydali hajmidan yetarli ravishda foydalanish;
3) Pech qobigʻini gaz oʻtmaydiganligi va qopqogʻini zichlashtirish qurilmasi borligi tufayli kamera ishchi fazosini germetik yopiqligiga erishiladi, shu orqali detallarga termik ishlov berishda oksidlanishga yoʻl qoʻyilmaydi va issiqlik isrofi kamayadi.
Bundan tashqari elektr shaxta pechlari uzun oʻlchamlarga ega boʻlgan mahsulotlarga masalan vallar, shtangalar, quvurlar, tortish aslahalari va boshqa vertikal holatda ishlov beriladigan mahsulotlarga, ishlov berishda juda muhim hisoblanadi. Bu mahsulotlar pechda maxsus moslamalar yordamida osib qoʻyiladi va bu qizdirishda minimal deformatsiya boʻlishini ta’minlaydi.
Shaxta pechining ishlash prinsipi qizdirish elementlari orqali elektr toki oqqanda issiqlik ajralib chiqishiga asoslangan.
Elektr shaxta pechlarida haroratni rostlash xuddi kamera pechlarida boʻlgani kabi pech iste’mol qilayotgan quvvatni oʻzgartirish, xususan ikki pozitsiyali rostlash orqali amalga oshiriladi.