Камёб металлар кимёси

Лаборатория иши №2
Вольфрамит концентратини сода билан парчалаш.


1. Ишнинг мақсади: Сода билан вольфрамит концентратини пишириш жараёнида парчаланиш даражасига сода миқдорининг ўзгаришини ва тажриба ўтказиш йўлларини ўрганишдан иборат.
Жараённинг мақсади ва хом-ашё ҳақида қисқача маълумот.
Вольфрамит (Fe, Mn)WO₄ – вольфрам олиш учун иккиламчи асосий хом ашё бўлиб, у темир ва марганец вольфрамитини изаморф аралашмасини ташкил қилади. Тоза вольфрамитнинг таркибида 76,3 – 76,6% WO₃ дан иборат бўлиб, руда концентратларида WO₃ нинг миқдори 50-70% гача бўлади. Концентратларнинг асосий чиқиндилари кремнезем, пирит, кисетерит, молибден сульфиди, мишьяк ва бошқаларни ташкил қилади. Саноатда концентратни бир неча қайта ишлаб чиқариш усуллари қўлланилади. У ёки бу усулни қўллаш хом ашё турига боғлиқ бўлади. Барча технолигик усулларда W концентратини қайта ишлашда қуйидаги босқичларни амалга оширилади.

1. 
   Концентратни парчалаш.
   
2. 
   Техник W кислотасини олиш.
   
3. 
   Олинган W кислотасини чиқиндилардан тозалаш ва асосий маҳсулотни олиш.
   

Концентратни парчалашдан мақсад қийин эрийдиган ҳолатдан (FeWO₄) сувда осон суюқланадиган (Na₂WO₄) ҳолатига ўтказиш, яъни ишқорий усул – сода ёрдамида суюқлантириш ёки куйдириш, содани сувли эритмаси билан автоклавда қайта ишлаш ёки вольфрамитни (Fe, Mn)WO₄ формасидан H₂WO₄ формасига ўтказиш усули (кислотали парчалаш) дан фойдаланилади.
Саноатда энг кўп қўлланиладиган усул вольфрам концентратини сода иштирокида куйдириш ва уни сув билан ишқорлаш усулидир. Бу усул қўлланилганда сувда эрийдиган (Na₂SiO₃, Na₃PO₄, Na₃AsO₄, Na₂MoO₄) ва эримайдиган темир ва марганец бирикмалари ҳосил бўлади.

2FeWO₄ + 2Na₂CO₃ + 1/2O₂ = 2Na₂WO₄ + Fe₂O₃ + 2CO₂

3MnWO₄ + 3Na₂CO₃ + 1/2O₂ = 3Na₂WO₄ + Mn₃O₄ + 3CO₂

Куйдириш жараёни 800-900^оС да олиб борилади.

Шихтага Fe ва Mn ни оксидланиш жараёнини тезлаштириш учун унга 1-4% миқдорида селитра қўшилади.
Сода иштирокида куйдирилган концентратни сув билан ишкорлаш натижасида эритмага Na вольфрамат билан бирга натрий силикат, арсенат ва натрий фосфат, нартий сульфат ва соданинг сувли эритмалари ҳам бўлади. Чўкмада эса темир ва марганец оксидлари ҳамда концентратни эримай қолган қисми бўлади.