Камаси қарор

2-боб. Умумий ўрта таълим мактабларининг 9-синф битирувчиларини Касб-ҳунар мактабларига ўқишга қабул қилиш
 
1-§. Абитуриентларнинг ҳужжатларини касб-ҳунар мактабларига топшириш ва қабул қилишни ташкил этиш
 
10. Умумий ўрта таълим мактабларининг 9-синф битирувчиларини касб-ҳунар мактабларига туман (шаҳар) Иқтисодий тараққиёт ва камбағалликни қисқартириш бўлимлар томонидан тавсиялари асосида тегишли касблар бўйича ўқишга қабул қилиш принципига асосланади.
11. Ҳар йили 10 мартга қадар туман (шаҳар) Иқтисодий тараққиёт ва камбағалликни қисқартириш бўлимларида туман (шаҳар) халқ таълими бўлимлари билан ҳамкорликда касб-ҳунар мактабларида таълимни давом эттириши мумкин бўлган 9-синф битирувчилари ва уларни таълим оладиган касблари тўғрисида маълумотлар шакллантирилади.
Шакллантирилган маълумотлар асосида ҳар бир касб-ҳунар мактабига ўқишга борадиган 9-синф битирувчилари рўйҳати туман (шаҳар) Иқтисодий тараққиёт ва камбағалликни қисқартириш бўлимлари томонидан тасдиқланган ҳолда тегишли касб-ҳунар мактабларига ҳар йили 10 апрелга қадар тақдим этилади.
Мазкур рўйҳатга киритилган 9-синф битирувчиларини кейинчалик бандлигини таъминлаш Бандлик ва меҳнат муносабатлари вазирлигининг ҳудудий бўлинмалари, маҳаллий ҳокимликлар ва тегишли иш берувчилар томонидан ҳал этилади. Бунда уларга тадбиркорлик фаолиятини йўлга қўйиш учун тижорат банкларининг имтиёзли кредитлари ҳам йўналтирилиши мумкин.
Иқтисодий тараққиёт ва камбағалликни қисқартириш бўлимлари томонидан тасдиқланган рўйхатдаги умумтаълим мактабларининг 9-синф битирувчилари бошқа туман (шаҳар)лардаги касб-ҳунар мактабларига ўқишга кириш истаги мавжуд бўлган ҳолларда ушбу масала тегишли Касбий таълимни ривожлантириш ва мувофиқлаштириш ҳудудий бошқармалари томонидан туман (шаҳар) Иқтисодий тараққиёт ва камбағалликни қисқартириш бўлимлари билан келишилган ҳолда ҳал этилади.
12. Ҳар йили касб-ҳунар мактабларига тасдиқланган қабул квоталари доирасида биринчи навбатта Иқтисодий тараққиёт ва камбағалликни қисқартириш бўлимлари томонидан тасдиқланган рўйҳат асосида ва қолган бўш ўринларга ўқиш истагидаги бошқа 9-синф битирувчлари ўқишга қабул қилинади.
14. Касб-ҳунар мактабларига жорий йилда умумтаълим мактабларининг
9-синфини битирган ўқувчилар ўқишга қабул қилинади.
15. Абитуриентларнинг ҳужжатлар йиғма жилди ҳар йили 20 июндан бошлаб 30 июнгача (шу куни ҳам) абитуриентлар ва ота-оналар (ёки уларнинг ўрнини босувчи шахслар) иштирокида тегишли умумтаълим мактаби директорининг буйруғи асосида белгиланган масъул ходим касб-ҳунар мактаби директорига шахсан топширилади
16. Абитуриентлар ҳужжатлар йиғма жилди тўлиқ тақдим этилса касб-ҳунар мактаби директори абитуриентнинг ҳужжатларини қабул қилишни рад этишга ҳақли эмас.
17. Ҳужжатлар қабул қилишнинг белгиланган муддатлари тугаганидан сўнг абитуриентларнинг ҳужжатлар йиғма жилдига қўшимчалар
ва ўзгартиришлар киритиш қатъиян тақиқланади.
18. Абитуриентларнинг ҳужжатлар йиғма жилдининг қалбакилиги ёки сохталиги аниқланса, у ҳолда абитуриент ҳужжатлари белгиланган тартибда ҳуқуқни муҳофаза қилувчи органларига юборилади.
19. Абитуриентнинг ҳужжатлари қабул қилинганлиги тўғрисида умумтаълим мактаби ва касб-ҳунар мактаби директорлари томонидан тўрт нусхада топшириш-қабул қилиш далолатномаси расмийлаштирилади.
Далолатноманинг нусхалари Халқ таълими вазирлигининг туман (шаҳар) бўлинмаларида ва Касбий таълимни ривожлантириш ва мувофиқлаштириш ҳудудий бошқармалари, умумтаълим мактаблари ҳамда касб-ҳунар мактаблари директорларида сақланади.
21. Ҳужжатлар йиғма жилдини абитуриентлар ёки уларнинг ота-оналарига (ёки уларнинг ўрнини босувчи шахсларга) бериб юборишга ёки тегишли умумтаълим мактаби директорининг буйруғи асосида белгиланган масъул ходимдан ташқари бошқалардан ҳужжатлар йиғма жилдини қабул қилишга йўл қўйилмайди.
22. Касб-ҳунар мактабларига ўқишга қабул қилишни ташкил этиш мазкур Низомнинг 1-иловасидаги схемага мувофиқ амалга оширилади.