|
12. Суғурта рисклари:
12.1. Қуйидагилар суғурта рисклари ҳисобланади.
12.1.1. Суғурталанган шахснинг тўсатдан шошилинч тиббий ёрдам талаб қиладиган касалликка чалиниши;
12.1.2. Суғурталанган шахснинг тўсатдан шошилинч тиббий ёрдам талаб қиладиган бахтсиз ҳодисага учраши;
12.1.3. Суғурталанган шахснинг мазкур қоидаларнинг 12.1.1. ва 12.1.2. бандларида кўрсатиб ўтилган суғурта ходисалари натижасида вафот этиши.
13. Суғурта қопламасини амалга ошириш тартиби ва шартлари.
13.1. Мазкур Шартноманинг амал қилиши даврида суғурта ҳодисаси юзага келганда, Суғурталовчи Тиббий муассасанинг Суғурталанган шахсга тиббий ёрдам кўрсатиш юзасидан харажатларини тўлайди.
13.2. Суғурталовчининг суғурта тўлови юзасидан мажбурияти Суғурталовчининг Ассистанс хизматига тиббий муассаса томонидан тақдим этилган тегишли тиббий ҳужжатларни (Суғурталанган шахсга кўрсатилган тиббий хизматларнинг аниқ рўйхати кўрсатилган тиббий-статистик карта, рецептлар) ва тўлов ҳужжатлари (ҳисоб-фактуралар), шунингдек Суғурталовчининг Ассистанс хизмати менеджери/мутахассисининг экспертиза далолатномаси асосида юзага келади.
13.3. Тиббий муассаса тақдим этган ҳужжатларга қўйилган талаблар Суғурталовчининг Ассистанс хизмати ва тиббий муассаса ўртасида тузилган шартномада белгиланади.
14. Истиснолар.
14.1. Суғурталовчи томонидан қопланмайдиган харажатлар:
14.1.1. агар Суғурталанган шахс вақтинча ишлаш учун республика ҳудудидан ташқарига транспорт воситасида чиқиш пайтида тиббий ёрдам кўрсатилиши зарурлигини билган бўлса;
14.1.2. агар суғурта риски юз бериши билан боғлиқ бўлган шифокорга биринчи қабул вақтида Суғурталанган шахснинг спиртли ичимликлар, гиёҳванд ёки психотроп моддалар ҳамда шифокор томонидан тайинланмаган дори воситалари қабул қилганлиги тасдиқланса;
14.1.3. агар алкогол ичимликлар, гиёҳванд ёки психотроп моддалар ҳамда шифокор кўрсатмасисиз дори-дармон воситаларини истеъмол қилиш ҳодиса юзага келишига олиб келган бўлса;
14.1.4. агар бахтсиз ҳодиса юз берганда Суғурталанган шахснинг организмида спиртли ичимликлар, гиёҳванд ёки психотроп моддалар ёки шифокор томонидан тайинланмаган дори воситаларининг мавжудлиги тасдиқланса;
14.1.5. психиатрия соҳасидаги, шу жумладан руҳий жазавалар, кутилмаган стресс ҳолатлари;
14.1.6. агар улар эпилепсия ёки асаб тизимининг бошқа касалликлари билан боғлиқ бўлса;
14.1.7. агар улар олдини олиш учун мажбурий эмлаш ёки эмлаш тавсия қилинган касалликлар билан боғлиқ бўлган бўлса; агар улар кечиктириб бўлмайдиган жарроҳлик амалиёти билан боғлиқ бўлмаса;
14.1.8. агар улар реабилитация чора-тадбирлари билан боғлиқ бўлса;
14.1.9. агар улар эмлаш ва бошқа турнинг профилактикаси билан боғлиқ бўлса ёки эмлаш ва бошқа турнинг профилактикаси натижасидаги соглиқнинг бузилиши билан боғлиқ бўлса ;
14.1.10. агар улар ташхис кўрсатилмаган ноанъанавий тиббиёт усуллари билан даволаниш ёки белгиланган ташҳисга номувофиқ даволаниш билан боғлиқ бўлса;
14.1.11. агар улар юрак ёки қон томир, тўқималар ёки аъзолар трансплантацияси, протезлаш жарроҳлик амалиётлари билан боғлиқ бўлса;
14.1.12. агар улар сил ёки унинг турларини даволаш билан боғлиқ бўлса;
14.1.13. агар улар қандли диабед билан боғлиқ бўлса;
14.1.14. агар улар ёрдамчи воситаларни сотиб олиш ёки таъмирлаш билан боғлиқ бўлса (масалан, кўзойнаклар, протезлар, қўлтиқтаёқ);
14.1.15. агар улар витаминлар, озуқавий қўшимчалар, озуқа бойитувчилари ҳарид қилиш билан боғлиқ бўлса;
14.1.16. агар улар юқори даражали сервис ёки қулайликни таъминлаш хизматлари билан боғлиқ бўлса.
14.2. Суғурталанган шахс билан суғурта риски юзага келганда, Суғурталовчи томонидан қопланмайдиган харажатлар:
14.2.1. ўзини ўлдиришга ҳаракат қилган ёки ўлдирган бўлса;
14.2.2. қайсидур ҳарбий тузилмада хизмат мажбуриятларини бажаришда бўлса.
14.3. Суғурталовчи қуйидагилар билан тўғридан-тўғри ёки бевосита боғлиқ бўлган харажатларни (йўқотишларни) қопламайди:
14.3.1. Ижтимоий нотинчликлар (иш ташлашлар, фуқаролар бўйсунмаслиги ва ҳ.к.), ҳарбий ҳаракатлар (уруш эълон қилиниши ёки қилинмаслиги), фуқаролик урушлари, ядровий портлашлар, ядро энергияси ёки радиоактив моддаларнинг бевосита ёки билвосита таъсирлари, бошқарув ва ҳуқуқни мухофаза қилиш институтларининг қарорлари, террористик актлар, яъни якка тартибда ёки бирор ташкилот ёрдамида ёки унинг номидан ҳаракат қиладиган бирор шахс ёки гуруҳ томонидан сиёсий, диний, мафкуравий ва/ёки жамият ёки унинг бир қисмини қўрқув остида ушлаш мақсадида амалга ошириладиган куч ишлатиш ҳолатлари. Террористик актларнинг олдини олиш билан бевосита ёки билвосита боғлиқ бўлган зарар ва харажатлар қопланмайди;
14.3.2. Глобал фалокатлар ёки табиий офатлар, пандемиялар, эпидемиялар, шу жумладан грипп пандемия ва/ёки эпидемиялари;
14.3.3. Суғурталанган шахс томонидан тергов органлари ёки суд томонидан қастдан жиноят содир этканлик аломатлари аниқланган харакатларни содир этиш билан боғлиқ бўлган жарохатлар;
14.3.4. Суғурталанган шахс ўзини қўшимча хавф-хатарга солиши, инсон ҳаётини қутқариш ҳоллари бундан мустасно;
14.3.5. Суғурталанган шахснинг, тезлик билан боғлиқ ҳар қандай мусобақаларда иштирок этиши.
14.4.Суғурталовчи харажатларни қоплаб бермайди, агар Суғурталанган шахс ёки суғурта қилдирувчи:
14.4.1. Суғурта ҳодисаси содир бўлганлиги ва суғурта ҳодисаси натижасида юзага келган зарар ҳажмини тасидиқловчи зарур ҳужжатларни тақдим этмаса.
Do'stlaringiz bilan baham: |
