Kafedrasi xudayarova xurshida abdunazarovna

 
4. Bank menejmentining tarkibiy tuzilishi va unda tartibga solish va 
nazoratning o‘rni.
 
 
Biz  yuqorida  ta’kidlab  o‘tganimizdek,  bank  menejmenti  ikki  qismdan 
moliyaviy  va  xodimlar  menejmentiga  bo‘linadi.  Boshqaruv  jarayoni  nuqtai-
nazaridan moliyaviy menejmentning tarkibi: 
1. rejalashtirish; 
2. tahlil; 
3.  tartibga solish va nazoratdan iborat. 
1.  Bank  menejmentida  rejalashtirish. 
Rejalashtirish  orqali  tijorat 
banklarining oldiga qo‘ygan maqsadlari, faoliyat yo‘nalishlari va erishishi mumkin 
bo‘lgan imkoniyatlari taxminiy hisob-kitoblarda aniqlanadi. Rejalashtirish jarayoni 
o‘z ichiga kelajak va joriy prognoz rejalarni o‘z ichiga oladi. Bular bank faoliyati 
davomida strategiya va taktikalarini ishlab chiqishni ta’minlaydi. 

---

 Rejalashtirish  bank  xoidmlari  oldida  turgan  vazifalarni,  shartlarni  va 
tartiblarni  belgilab  beradi.  Mehnatni  rag‘batlantirish  orqali  bank  xodimlari 
vazifalarini  bajarishni  ta’minlaydi.  Banklararo  raqobat  sharoitida  bankning  ishlab 
chiqqan rejalari yangi mahsulot va xizmat turlarini rivojlantirishga xizmat qiladi.  
 Rejalashtirish  ko‘p  qirrali  jarayon  bo‘lib,  tijorat  bankining  hamma 
bo‘linmalarini  o‘zida  qamrab  oladi.  Rejalashtirish  jarayonida  quyidagi  rejalar 
ishlab chiqilishi mumkin: 
 
istiqbolli rejalar – bank oldida turgan maqsadlarga erishish uchun  uzoq 
muddatli  resurslarni  jalb  qilish  va  uni  samarali  joylashtirish.  Istiqbolli  rejalar  bir 
yildan uzoq muddatga tuziladi. 
 
joriy  rejalar  –  qisqa  muddatli  davr  ichida  bank  faoliyati  yo‘nalishlarini 
qamrab oluvchi aniq masalalarni o‘z ichiga oladi. Joriy rejalar tijorat bankining bir 
yilgacha qisqa muddatli rejalari bo‘lib hisoblanadi. 
Tijorat  banklari  tomonidan  ishlab  chiqilgan  rejada:  rejaning  maqsadi  va 
vazifalari,  bankning  va  umumiqtisodiy  holatning  tahlili,    joriy  vaziflarning 
qo‘yilishi,  bank  strategiyalarini  shakllantirish,  resurslarni  taqsimlash  mexanizmi, 
rejalardagi  ko‘rsatkichlarning  bajarilishini  nazorat  qilish  tartibi  o‘z  aksini  topishi 
lozim.  Bankning  rejalarini  amalga  oshirishda  bank  xodimlarini  nazorat  qilish, 
tijorat bankining alohida yo‘nalishlari va bank siyosatini amalga oshiruvchi organ 
tomonidan tashkil etiladi va amalga oshiriladi.  
Tijorat  banklari  tomonidan  belgilanadigan  rejalarga  Markaziy  bank 
tomonidan qo‘yiladigan rejalar va talablar, shuningdek davlat siyosati va hukumat 
qarorlari ham o‘zining ta’sirini ko‘rsatishi mumkin.