Kafedra mudiri: I. Qur’onov

Asoratlari. Aseptika qoidalari buzilganda jarohat atrofidagi terining qichishishi yoki boshqa asoratlar kuzatilishi mumkin. Qichishishni yo‘qotish uchun jarohat atrofidagi teriga nashatir spirti bilan vazelin moyi aralashmasini baravar miqdorda surtish mumkin. Zuluk solinadigan bemorni pulsi va arterial bosimini kuzatib boorish zarur, chunki zuluk solishdan so‘ng u pasayadi. Zuluk solingandan 2 – 3 kun o‘tgandan keyin
ham jarohat qonab tursa va bosib turadigan bog‘lam foyda bermasa, jarohatni kaliy permanganat kristallari bilan kuydirish mumkin. Stenokardiya va miokard infarktining cho‘zilib ketgan xurujlarida zuluklar og‘riq qoldiruvchi ta’sir ham ko‘rsatadi, ularni yurak sohasiga uchinchi, to‘rtinchi va beshinchi qovurg‘alar orasiga, to‘sh suyagidan chapga 1 sm qoldirib 8 – 10 dona solinadi. Jigarda qon dimlangan va u og‘riydigan bo‘lganda zuluklarni jigarga qovurg‘alar qirrasi bo‘yicha 10 – 12 dona qo‘yiladi.

Oddiy fizioterapiya muolajalarini o‘tkazishda texnika xavfsizligi qoidalari

Oddiy fizioterapiya muolajalarini o‘tkazishda ham hamshiralar texnika xavfsizligi qoidalariga rioya qilishlari shart. Buning uchun ular har bir ishlatiladigan asbobning texnik pasporti bilan tanishtirilishi va mas'ul texnika xavfsizligi muhandisi tomonidan instruktaj o‘tkazilgan bo‘lishi kerak. Hamshira har bir muolajaning ko‘rsatmalari va monelik qiluvchi holatlarini to‘la bilmog‘i, xato va kamchiliklar natijasida kelib chiqishi mumkin bo‘lgan asoratlarni bilishi, shunday asoratlar kelib chiqqanda shoshilinch yordam bera olishi lozim.

Massaj (uqalash)

Massaj deb, maxsus usullar bilan organizm to‘qimalariga mexanik ravishda ta’sir qilishga aytiladi. Bir necha xil massaj farq qilinadi.

1. 
   Shifobaxsh massaj, bundan turli kasalliklarda keng foydalaniladi.
   
2. 
   Gigiyenik massaj, uni organizmni sog‘lomlashtirish va kasalliklar oldini olish maqsadida qo‘llaniladi. Тeri funksiyasini yaxshilovchi kosmetika massaji ham shu turkumga kiradi.
   
3. 
   Sport massaji, uning maqsadi organizmning funksional imkoniyatlarini oshirish va sportchida charchash alomatlarini bartaraf etishdan iboratdir. Undan (ko‘pincha o‘z o‘zini massaj qilib) sportchilar sportiv chiniqishdan oldin va charchaganda foydalaniladi.