Kadrlar tayyorlanadigan

Nazorat va muhokama uchun savollar

1. 
   Korxona salohiyati nima?
   
2. 
   Korxona salohiyatini belgilovchi omillar.
   
3. 
   Korxona qudratidan foydalanish dinamikasi?
   
4. 
   Korxona qudrati samaradorligining tuzilishini, uning bozordagi ulushini baholash
   
5. 
   Korxona qudratini raqobatbardoshligini baholash
   
6. 
   Korxonaning iqtisodiy salohiyati modeli qanday belgilaniladi?
   
7. 
   Korxonaning iqtisodiy salohiyatini baholashning indikatorli usuli?
   

AMALIY MAShG’ULOTLAR UChUN TOPShIRIQLAR, KEYS STADI, VAZIYaTLI MASALALAR VA TESTLAR

1-MAVZU. MENEJMENTNING RIVOJLANISh TARIXI VA ZAMONAVIY HOLATI
VAZIYaTLI MASALA

“Hissadorlar yangi rahbarni tanlaydilar”

So’nggi yilda bundan avval ham ishlari uncha yaxshi bo’lmagan “Kompleks” yopiq turdagi hissadorlik jamiyatining ishlari yomonlashdi. Talab kamaydi, mahsulot iste’molchilari to’lovlarni to’lashga shoshmadilar. To’lasalar ham asosan barter qilardilar, natijada ushbu jamiyatning ham debitorlik ham kreditorlik qarzlari ko’payib ketdi, ishlovchilar esa to’rt oylab maosh olmadilar.

Bosh direktor Antonov N.I. ning fikricha, buning sababi, davlatdagi umumiqtisodiy inqiroz, respublikada ishlab chiqarish siyosatining yo’qligi va u takliflarni rad etganligidadir. Direktorlar kengashi boshqaruvchini almashtirish muammosini yechishga to’g’ri keldi. Hissadorlarning navbatdagi yig’ini bahslar ostida o’tdi va unda bundan avval “Kompleks” ning rahbariyatini tanqid ostiga olgan va olti oy davomida korxonaning ishini yaxshilashga va oyliklarni vaqtida to’lashga va’da bergan Sashin K.A. yangi direktor etib tayinlandi. Sashin deyarli bir ovozdan tayinlandi. Yangi rahbar ishini shundan boshladiki, o’zini tayinlanganidan so’ng uch kunga, u tanlovdagi bosh raqibi bo’lgan bosh muhandis Izmaylov A.P. ga har qanday hujjatlarni taqdim qilishni taqiqladi.

Ertasi kuni har narsadan iqtisod qilish bahonasida uning xizmat mashinasini olib qo’ydi va 50-60 km oralig’ida joylashgan bo’linmalar ishini nazorat qilish imkoniyatidan mahrum qildi. Bularning hammasi, bosh muhandis o’z ishini eplay olmasligi va bosh direktordan hayfsan olib, mukofot pulidan mahrum bo’lishiga olib keldi.

Yangi direktor bilan ikki oy davom etgan og’ir ishdan so’ng Izmaylov ishdan bo’shashiga to’g’ri keldi. Tanlov bo’lganiga yarim yildan ortiq vaqt o’tdi, lekin hissadorlik jamiyatidagi ahvol yaxshilanish o’rniga yomonlashdi. Oyliklar ham kechiktirildi, byudjet oldidagi qarzlar ham ko’paydi, nafaqa fondi oldidagi qarzlar ham ko’paydi va “Kompleks” bankrot yoqasiga kelib qolish ehtimoli bor.