Kadrlar tayyorlanadigan

Akarapidoz. Akarapidoz - invazion kasallik bo'lib, u nafas olish a'zolarini zararlaydi va kasallikni akarapis vudi kanasi tar- qatadi. Akarapidoz bilan asosan hali nektar yig'ishga chiqmay- digan yosh asalarilar, shuningdek, erkak va ona arilar ham kasallanishi mumkin.

Kasallikning tarqalish yo'llari - oila ichida akarapidoz kasal asalarilar orqali tarqaladi. Ayniqsa, qish va bahorda asalarilar arixona ichida g'uj bo'lib yashayotgan vaqtda bu kasallik tez tarqaladi, kanalar bir asalaridan ikkinchisiga bemalol o'rmalab o'tib kasalni tarqataveradi. Bir oiladan ikkinchisiga kasallik tabiiy va sun'iy roylanish vaqtida, oilani kuchlantirgan vaqtda va ona arilar almashtirilgan vaqtda tarqaladi.

Kasallikning kechishi - oilada ayrim asalarilar kasallanganda kasallik sezilmaydi. Oilaning yarmi zararlanganda bu kasallikni aniqlash mumkin.

Kasallik belgilari - akarapidoz kasalligining eng asosiy xarakterli belgilaridan biri bu kasal arida uchish qobiliyatining yo'qolishidir. Kasal asalarilar uyadan qo'nadigan taxtaga o'rmalab chiqib uchishga harakat qiladi, lekin ucha olmaydi, pastga tushib ketadi va qanotlarini yoyib arixona atrofida o'rmalab yuradi. Arixona atrofida ko'pgina asalarilarning o'rmalab yurishi akarapidoz kasalligiga xos belgidir. Bu, ayniqsa, qishlov davridan keyin juda ham yaqqol ko'rinadi.

Kasallik diagnostikasi - ko'zga ko'rinadigan belgilar hamda laboratoriya tekshiruvi asosida amalga oshiriladi.

Davolash - akarapidoz kasalligi bilan kasallangan oilalarni kechqurun hamma asalarilar uyaga qaytgan vaqtda davolash amalga oshiriladi. Bundan oldin arixona va uyalarni tayyorlash kerak. Buning uchun ikkita chetki romlar olinadi, boshqalari bir oz surilib oralig'ida bir oz bo'sh joy ochiladi. Arixonaning ustiga qop, klyonka yoki bir parcha qog'oz qo'yish mumkin.

Akarapidoz bilan kasallangan asalarilarni davolashda hozirgi vaqtda folbeks va tedion preparatlari eng samarali hisoblanadi.

Kurash choralari - akarapidoz bitta asalari oilasida aniqlanishi bilanoq radiusi 5 km atrofidagi maydonga karantin e'lon qilinadi. Arizor oilalari bahomingboshidayoq davolanadi. Asalari kanadan butunlay ozod bo'lmaguncha davolash davom etadi. Akarapidoz bilan kasallangan asalarilar turgan arixonalar va mum inlar 5 sutka mobaynida izolyatsiyada saqlanadi keyin ular tozalanib yuviladi.