K. Z. Homitov iqtisod fanlar doktori, dotsent

Xulosa

1. 
   Investitsiyalar – bo‘sh turgan kapitalni daromad (foyda) olish maqsadida qonun doirasida tadbirkorlik faoliyatiga yo‘naltirish.
   
2. 
   O‘zbekiston Respublikasining “Investitsiya faoliyati to‘g‘risida”gi qonunida investitsiyalar quyidagi uch turga ajaratilgan:
   

1. 
   kapital investitsiyalar;
   
2. 
   innovatsion investitsiyalar;
   
3. 
   intellektual investitsiyalar.
   

3. 
   Investitsiya jarayoni – bo‘sh sarmoyaga ega bo‘lganlar bilan sarmoya talab qilayotganlarni uchrashish jarayoni.
   

Investitsiyaning obyekti bo‘lib, mablag‘larni, ya’ni qonun doirasidagi barcha boyliklarni safarbar etayotgan obyektlar tushuniladi. Ular yangi korxonalar yoki amalda faoliyat ko‘rsatayotgan korxonalar, qimmatli qog‘ozlar, bank depozitlari, intellektual mulk va boshqalar bo‘lishi mumkin.
Investitsiya subyekti deyilganda, investitsiya faoliyatini amalga oshiruvchi yuridik va jismoniy shaxslar tushuniladi. Ular: xorijiy davlatlar, xalqaro moliya institutlari, mahalliy davlat hokimiyati organlari, davlat boshqaruv organlari, turli mulkchilik shaklidagi korxona va tashkilotlar, mulk egasi bo‘lgan
fuqarolar, shu jumladan, chet el fuqarolari, fuqaroligi bo‘lmagan shaxslar bo‘lishi mumkin.

4. 
   Iqtisodiyotni modernizatsiyalash sharoitida investitsiya jarayonlarini tartibga solish, yo‘nalishi va taqsimlanishini to‘g‘ri aniqlashning iqtisodiy asoslarini yaratish, ishlab chiqilgan siyosatni amalga oshirishga imkon tug‘diruvchi shart-sharoitni ta’minlash investitsiya siyosatining muhim vazifalaridan biri bo‘lib, iqtisodiy o‘sishga aynan shu yo‘l bilan erishish mumkin.
   

Bobga oid tayanch so‘z va iboralar

Investitsiya, investor, iqtisodiyotning real sektori, investitsiya faoliyati, investitsiya faoliyati ishtirokchilari, investitsion siyosat, investitsiyalar obyekti, investitsiyalar subyekti, real investitsiya, moliyaviy investitsiyalar, kapital investitsiyalar, innovatsion investitsiyalar, ijtimoiy investitsiyalar.