K k o o r r X x o o

Boshqaruvning divizional tuzilmasining afzalliklari va kamchiliklari 
 
 
Divizional tuzilmaning turli xillari yakayu-yagona maqsadga ega – atrof 
muhitning u yoki bu omiliga korxonaning yanada samarali reaksiyasini 
ta’minlashdan iborat. 
Mahsulot bo’yicha tuzilma raqobat nuqtai nazaridan, texnologiyani 
takomillashtirish yoki iste’molchilar ehtiyojini qondirishdan kelib chiqib, yangi 
xildagi mahsulot turini ishlab chiqishni osonlik bilan hal etadilar. Mintaqaviy 
tuzilma bozor zonalarini geografik kengaytirish bo’yicha mahalliy qonunlarni,
ijtimoiy-iqtisodiy tizimni va bozorlarni yanada samarali e’tiborga olishga imkon 
beradi. Iste’molchiga yo’naltirilgan tuzilmaga to’xtalsak, u korxona ko’proq 
bog’liq bo’lgan iste’molchilar talabini samaraliroq hisobga olishga imkon beradi. 
Shunday qilib, divizional tuzilmani tanlash korxonani strategik rejalarini amalga 
oshirish va uning maqsadlariga erishishni ta’minlash nuqtai nazaridan yanada 
muhim bo’lgan omillarga asoslangan bo’lishi kerak.