K ibraхimov, Т. Kadirshayev, A. Sobirjonov, N. Mo’minjonov, S. Raхimberdiyev

Atrofi marza olib o’ralgan SGQSh
da rezervuarlar yer ustida joylashtiriladi, 
lekin atrofi tuproq va devor bilan o’ralib himoyalanadi. Тexnologik tizimda yagona 
texnologik birlashtirilgan birdan to’rttagacha saqlash blogi bo’lishi mumkin. Ushbu 
texnologik bloklar zavodlarda tayyor yig’ilgan modullar holida ishlab chiqariladi va 
joyida yig’iladi.
Yer usti
suyultirilgan gaz quyish shoxobchasida 
barcha texnologik tizimlar 
yer ustida maxsus tagliklarga joylashtiriladi. Gaz taqsimlash vositalari bir yoki ikki 
postli bo’lishi mumkin. Yer usti AGQSh lari gazning bug’li fazasini qaytarish 
truboprovodlari bilan butlanishi mumkin. 
Hozirgi paytda gaz quyish shoxobchalaridan uzoqda ishlayotgan transport 
vositalarini suyultirilgan gaz bilan ta’minlashda avtomobil-tarqatuvchilar 
qo’llanmoqda. Avtomobil shassiga maxsus sisterna va gaz tarqatish vositasi 
o’rnatilgan bo’lib, unda suyultirilgan gazni tashish va avtomobil ballonlariga quyish 
ishlari amalga oshiriladi. 
Avtomobillarni gaz bilan ta’minlash shoxobchalarining ayrimlari bilan 
yaqinroqdan tanishib chiqamiz.
"GTC" rusumli SGQSh ni 
– shahar va boshqa aholi yashash joylari hududida 
va ularning chegarasidan tashqarida, amaldagi me’yoriy hujjatlarning talablariga 
asosan hududida SGQSh joylashtirishga ruxsat etilmaydigan tashkilotlardan tashqari, 
avtotransport, sanoat, qishloq xo’jalik va boshqa korxonalarda joylashtirish mumkin. 

---

62 
2.3-rasm. "GTC" rusumli suyultirilgan gaz quyish shoxobchasi. 
 
Ushbu SGQSh
 
shartli ravishda ikki mintaqaga: ikkita quyish va to’rtta 
avtomobillarga gaz tarqatish vositasidan iborat ishchi mintaqa va ishlab chiqarish 
binosi hamda suyuq gaz saqlanadigan joydan tashkil topgan yordamchi mintaqaga 
bo’lingan. Suyuq gaz saqlanadigan joy yengil turdagi balandligi 1,2 m sim to’r bilan 
o’ralgan. Qurilish va yo’laklardan bo’sh qolgan joylar ko’kalamlashtirilgan.
Shoxobcha hududi balandligi 2,4 m bo’lgan temirbeton ustunlarga mahkamlangan 
po’lat to’r yordamida o’ralgan. SGQSh ning ishlab chiqarish binosi hududning 
ichkarisiga joylashtirilgan. Avtotransportning harakatlanish sxemasi bir tomonlama 
qabul qilingan, parallel kirish yo’laklari bir - biridan himoya orollari bilan ajratilgan 
va ularda to’rtta gaz tarqatish vositalari o’rnatilgan.
«YeVROGALS»
texnologik tizimi yer osti va yer usti variantlarda ishlab 
chiqarilmoqda. Yer osti tizimida (2.4-rasm, a) SUG uchun yakkadevorli rezervuarlar 
qo’llanilgan. Bunda idishlarning jipsligini doimiy avtomatik nazorat qilish joriy 
etilgan. Yer osti rezervuari ichi qum bilan to’ldirilgan beton va po’lat qobiqqa 
o’ralgan va natijada elektrokimyoviy hamda issiqdan himoyalarga zaruriyat 
qolmagan. 
a 
b