K I m y o ki my oga oi d atama lar etimilo gi ya si

Surma    
Surma  –  tub  ildizi  turkiy  so‘zlarga  borib  taqaladigan  ilmiy  atamalardan  biridir. 
So‘zning  ma’nosi,  o‘zbek  tilida  ham  yaqqol  ko‘rinib  turibdiki,  «surtish»,  «surmoq»  degan 
ma’nolarni anglatadi. Ayollarimiz hozirda ham qoshlariga surma surtib pardoz-andoz qiladilar. 
Haqiqatan  ham,  ayollar  qadimdan  qo‘llaydigan  ushbu  pardoz  vositasining  asosida  surma 
sulfidi  Sb
2
S
3
  yotadi.  Shoirlar  qizlarning  qoshi  ta’rifi  bobida  qalamga  oladigan  surma  ham 
aynan shu modda aslida.  
Surma elementi nomi va u bilan bog‘liq boshqa ilmiy tushunchalar va terminlar kimyo 
fanidan  yiroqroq  bo‘lgan  boshqa  soha  kishini  jiddiy  chalg‘itishi  mumkin.  Sababi,  garchi, 
elementning  o‘zi  oddiygina,  ustiga-ustak,  o‘zbekchada,  «surma»  deyilsa  ham,  lekin,  uning 
birikmalari tamomila boshqa o‘zakli so‘z – antimon so‘zi bilan bog‘lab nomlanadi. Xususan, 
surmaning metallar bilan birikmasi antimonidlar, surma kislotasining tuzlari esa antimonatlar 
deyiladi. SbO
+
 kationi esa antimonil deb yuritiladi. Shunga ko‘ra, yuqorida qayd etilgan surma 
sulfidi, ya’ni, ayollar qosh bo‘yaydigan modda ham antimonit bo‘ladi.  
Elementning lotincha nomi – «Stibium» so‘zini XIX asrda fanga Berselius tomonidan 
olib kirilgan. O‘z navbatida, ushbu so‘z qadimgi yunon tilidagi stm so‘zidan kelib chiqqanligi 
ma’lum (so‘z ichida unli harflar yo‘qligi qiziq). Yunonlar ham ushbu so‘z bilan, ayollarning 
ko‘z  atroflarini  bo‘yab,  pardoz  qiladigan  pardoz  surtmalarini  atashgan.  Qolaversa,  yunon 
tibbiyotida ko‘z kasalliklarini davolash uchun qo‘llanilgan, ko‘z atrofiga surtiladigan surtma 
dorilarni dorini ham shu nom bilan atashgan. Surmaning gidridi SbH
3
 ushbu stibium so‘zi bilan 
bog‘liq holda, stibin deyiladi.  
Nima uchun surma birikmalariga «antimoniy» atamasi berilgani va ushbu atamaning 
asl  mazmuni  ham  noma’lum.  Bu  holat  haqida  bir  necha  jiddiy  va  zaif  taxminlar  mavjud. 
Talqinlardan  biriga  ko‘ra,  o‘rta  asrlarda  yashab  o‘tgan  alkimyogarlar  ayollar  ko‘z-qoshiga 
surib  olgan  (ya’ni,  ishlatib  bo‘lingan)  surmani  «antimonium»  deb  yuritishgan  emish.  O‘z 
navbatida, bu so‘z lotin tiliga arab tilidagi «ithmid» so‘zining buzib talaffuz qilinishidan kirib 
kelgan  deb  hisoblanadi.  Yana  bir  taxminga  ko‘ra,  antimoniy  so‘zi  qadimgi  yunon  tilidagi 
«anthemion» so‘zi bilan ham bog‘liq bo‘lishi mumkin ekan. Yunonchada bu so‘z «gulg‘uncha» 
degan  ma’noni  anglatgan.  Surma  surtishdan  keyin  qoshda  hosil  bo‘ladigan  mayda-mayda, 
ignasimon kristallar gulga o‘xshar emish. Biroq, bu ikkala taxminlardan birortasi ham tayinli 
ilmiy  asosga  ega  emas.  Yana  bir  qiziq  va  achinarli  taassurot  uyg‘otadigan  taxmin  shundan 
iboratki, «antimoniy» atamasi «rohiblarga qarshi» («monaxlarga qarshi») degan ma’noni berar 
emish.  Buning  sababi  shundaki,  o‘rta  asrlarda  yashab  o‘tgan  Leonardus  ismli  qandaydir  bir 
alkimyogar rohib, «falsafa toshi»ni olish maqsadida o‘tkazgan turli tajribalarida hosil bo‘lgan 
moddani  tashqariga  otib  yuborar  ekan.  Ushbu  chiqindi  moddalarni  esa  monastirdagi 
cho‘chqalar  yeb  qo‘yisharkan.  Bu  narsani  kuzatgan  Leonardus,  cho‘chqalar  tez 
semirayotganini  sezib  qolibdi.  Biroq,  kunlarning  birida,  Leonardusning  alkimyogarlik 
tajribalaridan  chiqqan chiqindilarni cho‘chqalardan oldin boshqa rohiblar  «tatib»  ko‘rishgan 
ekan.  Rohiblar  o‘sha  kuni  tunda  zaharlanib  o‘lishgan.  Taxminlarga  ko‘ra,  o‘sha  rohiblar 
surmaning zaharli birikmalarini yeb qo‘yishgan bo‘lsa kerak deyiladi. Ushbu holatni guvohi 
bo‘lgan  Leonardus  o‘sha  chiqindi  moddani  «antimon»,  ya’ni,  rohiblarga  qarshi,  yoki, 
monastirga qarshi deb nomlagan emish. Lekin, ushbu taxmin juda ishonchsiz bo‘lib, ko‘proq, 
hazilga  o‘xshaydi.  Lekin,  haqiqatan  ham  shuni  ta’kidlab  o‘tish  shartki,  surma  va  uning 

---

26 
 
birikmalari  toksik  moddalar  bo‘lib,  ularni  ichga  qabul  qilib  bo‘lmaydi.  Bu  albatta 
organizmning zaharlanishiga olib keladi.  
Ushbu aytilganlarga qo‘shimcha qilib yana bir qiziq hikoyani aytib o‘tish joiz. 1898-
yilda, talliy elementini kashf qilganligi bilan mashhur bo‘lib ulgurgan ingliz kimyogari Uilyam 
Kruks  spektral  tahlil  usuli  orqali,  yana  yangi  bir  kimyoviy  elementni  kashf  qilganligini 
ta’kidlay boshladi. U o‘sha «yangi» elementni «moniy», ya’ni, «yakka» deb nomlashga qaror 
qilgan  edi.  Chunki,  uning  spektral  chiziqlari  spektrda  boshqalardan  alohida-alohida,  ya’ni, 
yakka-yakka  joylashar  edi.  Hali  fizikada  antizarralar  kashf  etilmagan  bir  zamonda,  kimyo 
fanida Kruks «kashfiyoti» orqali g‘alati bir juftlik - «moniy - antimoniy» elementlari juftligi 
yuzaga  keldi.  Bu  juda  chalg‘ituvchi  holat  bo‘lib,  mazkur  vaziyatni  mulohaza  qilib  ko‘rgan 
Uilyam Kruks, bir oz o‘tib, «moniy» nomidan voz kechib, uning o‘rniga, elementni qirolicha 
Viktoriya sharafiga «viktoriy» deb nomlashni taklif qildi. Lekin, «viktoriy»ga ham omad kulib 
boqmadi. Chunki, tez orada ma’lum bo‘lishicha, Kruks «kashf qilgan» o‘sha «yangi» element, 
aslida kimyogarlarga avvaldan ma’lum gadoliniy elementi ekan.